Page 16 - Getroud met 'n Leuen

NabasDiep VERLIEF OP 'n LEUEN

hanteer word nie sal die krag van die liefde verflou en die band van liefde verbrokkel. Ons
toksiet is nou al so opgewonde sy kan nie wag nie, en die slagoffer is al amper in die vanghok.
Ja, hierdie huwelik is reeds van die begin af gedoem. Die slagoffer weet van niks, veral as hy
nog nooit in sy lewe van die woord ‘verborge narsis’ gehoor het nie, of as hy nie genoeg kennis
het om die gevaartekens te kan uitken nie. Hy het hier te doen met 'n meester manipuleerder
en 'n bedrieër par excellance maar wie het nou gesê dat die lewe altyd regverdig moet wees?
Spreuke 16:24-26: ‘Iemand kan sy haat verbloem met wat hy sê, maar binne hou hy by sy
valsheid. As hy vriendelik praat, moet hom nie glo nie; hy is vol bose bedoelings. Hy verberg
sy haat agter 'n valse skyn, maar van die onheil wat hy gaan doen, sal almal weet.’ (Maar te
laat).

Wat is die doel van die huwelik vir 'n
kind van die Here? Dat God, deur so
‘n huwelik die geestelike
spieëlbeeld van die eenheid van
Christus en die kerk in ons kan
vestig. Daarom sê Spreuke 30:18-19
vir ons: ‘Daar is drie dinge, nee, vier
wat bo my begrip is, wat ek nie
verstaan nie: hoe 'n aasvoël in die lug
bly, hoe 'n slang teen 'n rots opseil,
hoe 'n skip in die diepsee vaar en hoe
liefde tussen 'n man en 'n meisie
werk.’ Om te dink dat God sien
wanneer jy intiem in jou huwelik is,
sien dit is vir Hom wonderlik, maar as
jy met ‘n verkeerde persoon
deurmekaar is, keur God dit nie goed nie. Hy verbly Hom nie daarin nie, want dit is nie
wonderbaar nie, want dit is buite sy voorskrifte, buite sy verbond en buite sy wil. Wat nou
gemaak met die toksiet wat voorgee dat hy/sy 'n kind van die Here is? Spreuke 30:12-14 ‘'n
soort mens wat homself as rein beskou, maar van wie die vuilheid nie afgewas is nie, 'n soort
mens wat vol hoogmoed, vol eiewaan is, 'n soort mens wat koelbloedig en wreed is in sy
hebsug en wat teer op die hulpeloses en armes in die land.”
In vandag se lewe is die toppunt van naïwiteit om te glo dat albei partye wat die huwelik
binnegaan, noodwendig dieselfde siening oor geloof het en dieselfde perspektief oor die
huwelik het. Die rede dat daar steeds wesenlike verskille in sommige verhoudings bestaan,
selfs na die hofmaak periode wat saam spandeer is, word meesal gekoppel aan bedrog,
opperste oneerlikheid, valsheid en 'n leuen vir 'n lewe.

Vele huweliksmaats het geraamtes in hulle kaste en is nie bereid om dit bekend te maak nie.
Nie alleen is dit oneerlik nie, twee mense kan nie een word soos die Here verwag ons moet
word nie, as die een maat geraamtes in die kas het en gedurig bang is dat iemand iets uit die
verlede sal verklap. Dit kan wees dat jou oupa jou gemolesteer het as 'n kind, maar jy en jou
familie het besluit niemand sal ooit 'n woord rep nie.

* Verwys asseblief na die Verkorte Woordelys agter. 16