Page 19 - Getroud met 'n Leuen

NabasDiep VERLIEF OP 'n LEUEN

nou in ‘n normale huwelik, ons huwelik is nie normaal nie, maar niemand weet dit op die
hierdie stadium nie! In sommige gevalle, veral in dié dag en datum, is daar sielkundige
afwykings wat daartoe lei dat sekere mense die huwelik gebruik as ‘n slagveld waarin erge
misdade gepleeg word. Hulle is meesters daarin om die huwelik en verhoudings te verander
van ‘n Godgegewe wonder na ‘n onbegryplike nagmerrie. Die paartjie wat nou nie meer kan
wag om te trou nie, gaan steeds goed aan. Die toksiet is hard aan die werk aan haar eie
agenda. Sy weet presies hoe om ander mense te manipuleer, want dit is noodsaaklik om die
details van die lewe van die slagoffer bymekaar te maak en te vergader vir latere duistere
gebruik. Dit is absoluut noodsaaklik om nou vertroue in te boesem en om die slagoffer se
goedgesindheid tot die uiterste te ontwikkel. Op die manier kan sy hom uitlok om oor baie
intieme sake te praat en sy hart oop te maak oor sy hede en verlede. Sy daarteenoor is baie
selektief met wat sy bekend maak en al die vals emosies kom asof natuurlik. Dit kom voor as
eg en opreg. Haar praat, haar gebare, haar houding en alles is daarop gemik om die slagoffer
se vertroue te wen en sodoende in die vangnet van haar sluwe planne te kry.

Eers getroud, dan is die moontlikhede vir die toksiet veelvoudig. Die eintlike uitdaging vir hom
lê daarin om al die leuens oor die liefde wat hy tot nou toe opgedis het, in die kortste moontlike
tyd na die troue te verdraai en te vernietig. En net om seker te maak hy is 'n goeie narsis, moet
dit so pynvol as moontlik wees. Hy of sy is immers 'n spesialis!

Hoekom is die vyand so daarop uit om die huwelik te verwoes? As hy dit kan regkry, dan
ontneem hy die misterie van God in die wêreld, naamlik dat die huwelik tussen ‘n man en ‘n
vrou die misterie is soos tussen Jesus (die Bruidegom) en die kerk (die bruid). God het vir ons
‘n natuurlike voorbeeld gegee van ‘n baie groter geestelike waarheid, naamlik dat Hy wil hê
ons moet verstaan dat ons verhouding met Hom dieselfde intimiteit, nabyheid en oorgawe
moet bevat as ‘n huwelik wat werk soos dit moet.

Wat is nou die kern, die wese van die huwelik? Is dit dat twee mense verlief is op mekaar, of
dat hulle dit so goed met mekaar bedoel? ‘n Godgevulde huwelik begin in die Woord, maar
ons huwelik is op baie ander beginsels gebou. Dink net hoe goed moet dit wees vir ons
slagoffer om die versekering te hê dat sy toksiet ‘n ‘Christen’ is. Wat gereeld uit die Bybel kan
aanhaal en so opreg christelik kan optree. Is dit nie so dat meeste van ons graag wil glo dat
Christen mense ook sommer goeie mense is nie. Betroubaar en moreel standvastig. ‘n Ware
aanwins vir die gemeenskap wat ook sommer eendag 'n wonderlike ma of pa sal wees nie?

Met 'n toksiet In 'n Verhouding.
Om by 'n toksiet betrokke te wees, kan 'n buitengewoon dreinerende en wrede ervaring wees,
aangesien 'n toksiet nie sal huiwer om jou te belieg, te bedrieg, te manipuleer, te beheer of
gaslig* te gee nie. Daar is baie tekens wat kan aandui dat jy betrokke is by 'n narsis. As die
betrokke persoon nie huiwer om jou gereeld op een of ander manier te dreig nie, kan jy maar
weet jy het te doen met ‘n narsis. Die gebruik van dreigemente (veral in 'n veronderstelde
romantiese verhouding) is gewelddadige, manipulerende en uiters ongesonde gedrag. Dink
aan wat hierdie gedrag jou van hulle vertel. Hulle het ‘n gevoel van geregtigheid en as sodanig
verwag hulle voorkeur behandeling en dit is aanwysers van narsisme. 'n toksiet gee nie om
oor die behoeftes en gevoelens van ander nie. Hulle gee net om as dit hulleself op een of

* Verwys asseblief na die Verkorte Woordelys agter. 19