Page 161 - Getroud met 'n Leuen

NabasDiep VERLIEF OP 'n LEUEN

ongelukkigheid en nog 'n kerk wat gaan sukkel om weer eenheid te bewerkstellig. Die
toksiese lidmaat sal verskeie van die volgende doen:

• Hulle is aanwesig maar stel nie belang in die kerk nie.
• Hulle sal nie probeer om antwoorde te kry vir hulle probleme nie, net bly kwaad stook.
• Hulle vertel ander mense agteraf slegte goed van die kerk, maar vooraf prys hulle die
kerk.
• Hulle vertel negatiewe goed van die kerk en word dan kwaad as die kerk hom verdedig.
• Hulle praat met die kerk maar sê eintlik niks. Dis net om die kerk te blameer vir vrae
wat nie beantwoord word nie.

• Hulle verwyt die kerk.
• Hulle gee voor om van die kerk te hou as ander mense in die nabyheid is, sal self vlytaal
of komplimente gebruik sodat ander kan dink hulle is aangenaam.
• Hulle het geen behae in die kerk se sienings nie, inteendeel die kerk is net daar om
hulle te dien.
• Hulle laat die kerk tyd vermors op sinnelose goed wat deur die toksiese lidmaat ge-
opper word.
• As die kerk probeer om vir homself op te staan en 'n punt te stel, beskuldig hulle die
kerk dat hy nie sy lidmate verstaan nie.
• Hulle het altyd ander mense om hulle nodig om hulle te ondersteun.
• Hulle blameer die kerk vir al wat 'n slegte situasie is en vat selde verantwoordelikheid
vir hulle eie verkeerde dade.
• Hulle dink hulle is beter as ander en hulle ken die Here beter as ander mense. In hulle
oë is hulle verhouding met die Here so 'n trappie hoër as die normale mens sin.
• Hulle maak die kerk geestelik seer en blameer die kerk daarvoor. Asof hulle die reg het
om vir die gemeente te praat.
• Hulle eis die reg op aandag op, sodat die kerk aan hulle aandag moet gee.
Die moeilikste van alles is om te aanvaar dat die toksiese lidmaat werklik toksies is, en die
ergste is om te besluit wat om met so lidmaat te doen. Dit is veral moeilik wanneer die
toksiese lidmaat 'n aanhang of gehoor het.

Hoofstuk Elf: Huwelike – Goed En Sleg (Toksiese).

Die hele Bybel, van die begin tot die einde, gaan daaroor dat God vir Hom 'n Christen volk
wou skep waarvan Jesus die Hoof is, en onder Hom is die kerk met sy lidmate en daarmee
saam die huwelik. En dit maak alles 'n geestelike gesin uit as ons na die aardse komponent
daarvan kyk. Hierdie ongelooflike waarheid behoort ons te motiveer om ons kerk, gesins- en
huweliksverhoudings te verbeter en in stand te hou.

In 1 Petrus 3:1-7 lees ons wat God in gedagte gehad met die huwelik. Toe die gedeelte geskryf
is deur Petrus, was dit hoe God se plan en doel vir ons huwelike hier op aarde was. Maar die
verval van die moderne mensdom is nêrens meer sigbaar as in hierdie gedeelte nie.
Inteendeel, anders gestel kan mens sê dat die verval van die Westerse samelewing is direk te
wyte aan die verval van die huwelik, en die huwelik se verval is weer gekoppel aan die verval
van die rol van die man en vrou soos deur God bepaal.

* Verwys asseblief na die Verkorte Woordelys agter. 161