Page 157 - Getroud met 'n Leuen

NabasDiep VERLIEF OP 'n LEUEN

die kwaliteit van die verkondiging van die Woord, maar eerder oor verskille met die mens
agter die leraar. Dit impliseer dat ons as gemeentelid onsself hoër ag as die God wat die leraar
daar gestel het. Ons kan maar net nie by die mens agter die leraar verbykom nie, want elkeen
van ons weet beter, is beter en het al die antwoorde. God en die kerk is nie regtig in tel nie.

Vir vandag se mense is die kerk 'n beslommernis, vir baie is dit net 'n noodsaaklike euwel en
vir ander ook maar net 'n oorlas. Kerk kom mos oor die TV en op my selfoon, sommer so
terwyl ek in die bed lê en kyk. Vergete is die gedagte dat die bed, die TV, die selfoon en die
huis aan die Here behoort. Maar satan gebruik hierdie selfde items, terwyl dit nie aan hom
behoort nie, juis om sy werk vir hom te doen. Eintlik is dit net te veel moeite om op 'n Sondag
op te staan en kerk toe te gaan, dit werk so saam met al die ander dinge wat satan daar plaas
om ons so besig te maak, dat daar nie meer tyd is vir die Here nie.

Maar alles begin by elkeen van ons as mens en die Woord. Wat verkondig word is waarlik
wysheid want dit kom van God, maar dit is net vir dié wat daarvoor ryp is. Dit is immers nie 'n
wêreldse wysheid wat van geleerdes en heersers op hierdie aarde kom nie, nee dit kom net
van die Here en dit is ook net bedoel vir diegene wat ontvanklik is van Sy Woord. I Kor 2:13-
15 leer ons dat die mens wat nie die Gees van God het nie, aanvaar nie die dinge van God nie.
Vir so 'n mens is dit onsin. En hoe dikwels hoor ons nie hierdie onsin nie, want elke stukkie
afbrekende kritiek en sinisme rondom die kerk, is eintlik onsin. Ons kommentare rondom
kerkbywoning, rondom offergawes, rondom armes, rondom sosiale media, ensovoorts is en
bly onsin wanneer dit gebruik word om God se plan te dwarsboom. Lees gerus 1 Kor 3:19
“want die wysheid van hierdie wêreld is dwaasheid by God.” Die volgende vers maak dit meer
as duidelik dat al ons slim praatjies en alles wat ons weet, eintlik verspot lyk en is binne die
grootsheid van die almagtige God word dit klein as Hy sê: “Hy vang die slimmes met hulle eie
slinkse planne” en “Die Here ken die gedagtes van die wyse mense en weet dit beteken niks”.
Hierdie wysheid het spesifiek met die dinge rondom geloof, christenskap en die kerk te doen.
En bowenal het dit te doen met God se almag. Watter mens op aarde kan homself
hoegenaamd indink hoe groot en almagtig God is, en dan kom ons in ons wysheid en sê EK
het besluit die kerk is vir die voëls. Daarom moet niemand op mense roem nie, want die mens
se professorskap, sy doktorskap, sy wetenskap of sy wat ook al, is slegs om nou eers uit te
vind wat God miljoene jare gelede alreeds in die wêreld ingebou het. Dit is ou nuus vir Hom,
maar om in die hemel te kom beteken jy moet allereers vir God en sy dinge soek.

Maar ons is ook die gebou van God. Ons is die boustene wat gesamentlik die kerk vorm
waarvan daar geskryf word dat Christus is die hoof van die kerk en God het dit vir Hom gegee
omdat Hy vir ons gesterf het. Daar is letterlik net een fondament ongeag aan watter kerk jy
behoort, daar is net die een fondament en dit is die fondament wat Jesus hier op aarde kom
verkondig het, wat eintlik maar net Hyself is. Alles wat ons in die evangelies lees maak saam
die fondament van God, en daar is maar net een fondament waaraan niks verander kan word
nie. Dit beteken dat elke mens is die argitek van sy eie gebou, hy en slegs hy, en daar sal geen
twee huise wees wat dieselfde is nie. Die enigste vraag is vir wie bou ons die huis, is dit vir
God of vir onsself? Daar is niks tussenin nie! I Kor 3:16 vra die vraag of ons weet dat ons die
tempel van God is? Die Gees van God bly in dié huis, en as jy of iemand dié huis of tempel
beskadig, sal God hom straf, want die tempel van God is heilig, en die tempel is ons.

* Verwys asseblief na die Verkorte Woordelys agter. 157