Page 162 - Getroud met 'n Leuen

NabasDiep VERLIEF OP 'n LEUEN

'n Mens kan nooit uit die oog verloor dat Satan sy eie planne vir hierdie wêreld het nie. Ons
stryd is nie teen mense nie, maar teen bose regeerders en maghebbers, teen die geeste wat
heerskappy in hierdie donker wêreld uitoefen, teen die bose geeste in die hemelruimtes (Ef
6:12). Satan wil hê ons moet totaal uitrafel, weg beweeg van God af, weg van sy Woord af en
weg van sy Waarheid af. En watter beter plek as die huwelik kan daar wees? Ons kan maar
net om ons kyk om te sien in watter chaos alles is, en dit omdat die boustene van Kindskap
verbrokkel het en Mammon aan die wortel van alle kwaad lê. Die huwelik is nie meer ‘n heilige
instelling nie, maar 'n kompeterende besigheid waar ouers die direkteure is, kinders
opgeoffer word ter wille van dividende, christenskap opgeoffer word ter wille van aandele en
God uitgesluit word sodat die Waarheid verdraai kan word ter wille van winste. Die kerk word
gesien as 'n nuttelose
onkoste wat ten alle
koste vermy moet
word. Daar sit 'n ware
en sterk vyand agter al
hierdie dinge, en hy
hou daarvan om jou
met vrees te dreig en
om jou swak te laat
voel, want as daar nie
rykdom, eer en mag is
nie, dan is jy niks.

Hy wil in jou hart
fluister dat jy niks
hemels sal nodig kry
nie, want jy is
vermoënd genoeg in
jouself. Jy het genoeg
ondersteuning. Jy het
genoeg hulpbronne. Jy
is goed genoeg
voorberei op wat ook
al kom. Dis Satan wat
dié dwase oortuigings
van God se
verwagtinge in jou kop
plant. Natuurlik verdoesel hy dit met die meesleur van die massas. As hy maar net een familie
op 'n slag kan oortuig dat dit is hoe die massas glo dan is die massas gou-gou gevorm, dis die
sneeubal effek. Dis die massas sonder God.

Dit laat mens al te veel dink aan die gedeelte in die Bybel waar Jesus vertel van die vermoënde
boer, maar hy is 'n dwase mens (Luk. 12:13-21). Die eerste vers is die kern van wat Jesus
hardop probeer om op ons harte te druk maar wat Satan die teendeel aan ons bly fluister.
“Pasop en wees op jul hoede vir elke vorm van gierigheid, want 'n mens se lewe is nie

* Verwys asseblief na die Verkorte Woordelys agter. 162