Page 164 - Getroud met 'n Leuen

NabasDiep VERLIEF OP 'n LEUEN

Die apostel Petrus gee
opdrag aan Christene om ’n
goeie voorbeeld te stel,
selfs vir hulle nie-Christen
huweliksmaats: “Net so
moet julle, vroue, aan jul eie
mans onderdanig wees,
sodat, as sommige aan die
woord ongehoorsaam is,
hulle ook deur die wandel
van die vroue sonder
woorde gewin kan word as
hulle jul reine, godvresende
wandel aanskou het” (1
Petrus 3:1-2).

'n Mens kan immers nie
iemand anders teen sy of
haar wil verander nie, maar
jy kan jouself verander. Ons
het almal Godgegewe
verantwoordelikhede in ons
huwelik en in ons gesin. God
sê aan die mans: “Manne,
julle moet jul eie vroue
liefhê, soos Christus ook die
gemeente liefgehad en
Homself daarvoor oorgegee
het” (Efesiërs 5:25). Vervul
jy, as die man, jou godgegewe verantwoordelikheid? Sommige mans en vrouens plaas groot
klem op hulle oordeel van hulle huweliksmaats se gedrag, om hulle eie gebrek aan getroue
diens te verontskuldig. Onthou, ons sal almal voor die regterstoel van Christus staan, soos ons
vertel word in Romeine 14:10. Maak seker dat jy jou eie, Godgegewe verantwoordelikheid as
man of vrou nakom! ’n Eggenoot het vyf areas van verantwoordelikhede teenoor sy vrou:
Liefde en respek, ondersteuning en aanmoediging, leierskap en leiding, hulp en beskerming
en inspirasie om te groei (Plain Truth, Junie 1966), en dieselfde tydskrif sê amper 'n jaar vroeër
dat ‘n vrou sal help om haar eggenoot en die hele gesin by te staan in die volgende aspekte:
Meegevoel en dienslewering, teerheid en skoonheid, intelligensie en begrip, Christelike
deugsaamheid en geloof, hoop en moed.

Wanneer ons hierdie Bybelse karaktereienskappe in ons lewens toepas, verryk ons die lewens
van andere en ons versterk daardeur ons huwelik en gesin. Die boek Titus sit die Bybelse
verantwoordelikhede van Christelike vrouens uiteen en verduidelik dat ouer vroue “jong
vroue kan leer om versigtig te wees, [en] hulle mans en kinders lief te hê” (Titus 2:4). Dieselfde
word natuurlik ook van die man verwag wat nie met 'n Christen vrou getroud is nie. Indien jy

* Verwys asseblief na die Verkorte Woordelys agter. 164