Page 171 - Getroud met 'n Leuen

NabasDiep VERLIEF OP 'n LEUEN

Liefde is ’n verantwoordelikheid. As jy bemin wil word, moet jy dit vir jou maat maklik maak
om jou lief te hê. Dit beteken onder meer dat jy betroubaar en dus verantwoordelik moet
optree. Die grootste moordenaar van liefde en vertroue is valsheid, en dan valsheid op alle
vlakke. Liefde as vertroue beteken dat jy opreg en lojaal bly teenoor jou maat; dat julle nie
toelaat dat oneerlikheid, leuens en bedrog julle verhouding binnekom nie. Liefde as vertroue
wil die waarheid dien en maak die belange van jou maat die hoogste prioriteit. Binne die
vertrouenssirkel van die liefde is daar nie ruimte vir voortdurende wantroue, jaloesie, kritiek
en beskuldigings nie. As 'n vertroulike gesprek nie binne die huwelik kan bly nie, is daar ook
nie plek vir liefde in die huwelik nie, en word dit 'n leë dop. Dit wys gewoonlik wanneer
huweliksmaats lojaal is teenoor mekaar, verantwoordelik en eerlik teenoor mekaar optree
sonder om te lieg of te verwyt nie, en bo al om nie jou maat 'n spieëlbeeld van jouself te
probeer maak nie. Vertroue is om nie my maat met ander te vergelyk en met ander te
bespreek nie.

Die vyf vlakke van kommunikasie vind 'n leefwyse binne openhartigheid in die liefde en hang
saam met die graad van spontaneïteit waarmee jy bereid is om jouself, jou liggaam, jou
gedagtes, drome en besittings met jou maat te deel. Openhartigheid en mededeelsaamheid
hoort bymekaar. Openhartigheid weerstaan selfsug en soek voortdurend die
teenwoordigheid van die maat. Openhartige liefde hunker na jou maat se nabyheid.
Openhartigheid is daardie dieptevlak van kontak en kommunikasie waarin jy bereid is om
jouself voor jou maat te ontsluit. Openhartige liefde behels ten slotte ook ’n openheid vir jou
maat se behoeftes en verlangens. As daar nie vertroue binne die huwelik is nie, is daar ook
nie openhartigheid nie.

Liefde as aanvaarding is bereid om jou maat ondanks sy tekortkominge (wat alle mense het!)
onvoorwaardelik te aanvaar soos hy is. Aanvaarding beteken egter nie goedkeuring van
sondige gedrag nie. Aanvaarding plaas die klem op die maat se sterk punte en positiewe
eienskappe. Sodoende word die negatiewe eienskappe positief aangevul en die goeie trekke
verder versterk. Ons aanvaar ook die feit dat elkeen steeds ‘n individu in eie reg is wat 'n reg
het om sy eie spasie en persoonlikheid uit te leef binne die huwelik.

Ons het geleer, dit is nou tuis opleiding, dat gesonde verhoudings is nie dié waar daar nooit
'n argument is nie. Hulle is gesond waar daar op gesonde maniere geargumenteer word.
Huweliksmaats moet altyd regverdig baklei. Takel die probleem, nie mekaar nie. Geen
skelname word ge-uiter nie. Geen verkleinering vind plaas nie. Geen persoonlike aanvalle nie.
Daar moet net op die kwessie in hand gefokus word, en dit word opgelos. Die bobbejaan mag
nie agter die bult gehaal word nie, wat in die verlede gebeur het, bly in die verlede. Geen
vorige argumente word weer ge-opper nie, dit bly in die verlede. Geen beskuldigings aan die
ander van vorige irritasies nie. Bly net gefokus op die huidige kwessie. Dreigemente hoort nie
in ‘n huwelik nie; kinders dreig mekaar nie gelowiges in die huwelik nie. Geen ultimatums nie.
Geen eise nie. Die fokus bly daarop om die probleem op te los en om die verhouding te
versoen. Die beste is eintlik om die meeste krapperige goed net te laat verby gaan. Vergewe
mekaar. Wanneer dit deurgepraat is en daar is tot ‘n besluit gekom, vergewe en vergeet en
beweeg aan. Gee die ander die genade wat ons so graag wil hê. Nooit, ooit is die bakleiery

* Verwys asseblief na die Verkorte Woordelys agter. 171