Page 174 - Getroud met 'n Leuen

NabasDiep VERLIEF OP 'n LEUEN

persoonlikheidsversteurings, vir wie dit die opsetlike doel is om die huwelik en die
huweliksmaat te verwoes en geestelik/emosioneel te VERMOOR met hoofletters.

Daar is werklik beproefde Bybelse sleutels tot ’n suksesvolle huwelik. Jy behoort dit te ken en
in jou eie huwelik toe te pas. Andersins mag jy dit graag wil deel met vriende of familie wat
beplan om in die nabye toekoms te trou. Dit mag nou wel nie maklik wees nie, maar die
pogings kan tot groot belonings en ’n liefdevolle verhouding lei. Die ou gesegde: “Die huwelik
is ’n 50-50 proposisie” is geheel en al verkeerd! In die toksiese verhouding is dit 110-0 vir die
narsis. Die toksiet se totale doelwit is om sy lewensmaat te verander in 'n patetiese en
geestesafhanklike zombie as hy kon. Die toksiet ontsien geen wreedheid om dit te bereik nie.
’n Mens behoort te vra: Wat is dan die raamwerk van ons huweliksverbintenis? Is dit
wedersydse gerief? Of, is dit ’n verhouding wat op die Bybel gebaseer is en in diepte en
karakter sal groei vir die res van ons lewens? Die eindeloosheid van die smart van 'n toksiese
huwelik is dat een vennoot moord beplan terwyl die ander sy uiterste bes probeer om vas te
stel waar het alles verkeerd gegaan terwyl hy spartel om te oorleef. Ongelukkig is dit so dat
met 'n toksiet en onkunde in jou huwelik, jy moontlik vir baie jare in dié moeras vasgeval sal
bly. ‘n Moeras wat jaar na jaar dieper word tensy jy bemagtig word om die verhouding te
verlaat. Wat sê die Bybel? Kyk na hierdie vers wat fundamenteel is vir gelukkige verhoudings
en vir die karakter wat ons benodig vir alle ewigheid: “Ek het julle in alles getoon dat ons ...
die woorde van die Here Jesus moet onthou, dat Hy gesê het: Dit is saliger om te gee as om
te ontvang” (Handelinge 20:35). Of, soos dit in die Nuwe Vertaling gestel word: “Onthou die
woorde van die Here Jesus. Hy het self gesê: Om te gee maak ’n mens gelukkiger as om te
ontvang”. In die geval van 'n narsis, is daar ongelukkig net NUL wat hy kan byvoeg tot 'n
gelukkige huwelik en moet ons gaan kyk na vrede wat die Here in die huwelik wil hê en vereis.
Vir jou egter is die uitkoms gedoem omdat 'n ‘bedorwe siel’ in die vorm van 'n toksiet in jou
huwelik ontpop het.

Ware liefde is om te gee sonder om iets terug te verwag. Wanneer twee persone elk 100
persent gee, is daar ’n sterk band, ’n sterk oorvleueling wat buigsaamheid sal waarborg asook
die vermoë om die mas op te kom in krisisse en probleme. Indien ’n 110-0 opsie aanvaar word,
waarborg dit ’n sterfte en 'n verbrokkelde verhouding! Die grendels wat hieronder bespreek
word, is die slotte wat die onskuldige slagoffers binne in 'n toksiese huwelik gaan toesluit en
wat baie aandag nodig het van huweliksmaats:

Grendel 1: Sjarme en Charisma – die vat manier

Die meeste narsiste kan baie sjarmant wees as hulle kies om so te wees. Aangesien narsiste
aandag en bewondering begeer, spandeer hulle baie tyd en energie om die vervalsing daarvan
te vervolmaak omdat hulle dit gebruik vir hulle masker, maar ook om ander te verlei om vir
hulle te gee wat hulle wil hê (veral aan die begin van die verhouding). Om sjarme te hê sonder
dat dit werklik 'n ware karaktereienskap is, is net so goed as om 'n leë en onwerklike vervalsing
te wees. Aan die begin maak jy dalk 'n goeie indruk, maar soos tyd verloop, dan kom die ware
gesig van die toksiet te voorskyn: die romantiese siel word 'n manipuleerder, die kundige
werker word 'n rugsteker of magsoeker, die gladde verkoopsman 'n uitbuiter, die sosiale
vlinder word 'n egbreker.

* Verwys asseblief na die Verkorte Woordelys agter. 174