Page 173 - Getroud met 'n Leuen

NabasDiep VERLIEF OP 'n LEUEN

'n Toksiese huwelik is 'n werklikheid, 'n afskuwelike werklikheid en wat nou volg, is nie die
toksiese huwelik se beskrywing nie want dit bestaan net uit die toksiet (die ander party
bestaan nie) en as sulks is dit dus nie 'n huwelik nie, nie tegnies nie en ook nie Bybels nie. Dit
is bloot 'n mishandelingskamp. Maar wat hieronder volg is 'n sameflansing van 'n klomp
toksiese elemente – dit is wat 'n toksiese huwelik is, wreed, vormloos, waardeloos en
toekomsloos. Onwillekeurig dink mens aan Gal 5:15 “Maar julle byt en verskeur mekaar; pas
op dat julle mekaar nie later heeltemal verslind nie”, maar dit sal die slagoffer nie sommer
maklik te wete kom nie, as hy of sy nie die kennis het nie.

Wanneer ’n man en ’n vrou ’n verbintenis aangaan om man en vrou te word, is daar gewoonlik
’n vreugdevolle byeenkoms om die bevestiging van ’n nuwe gesin te vier. ’n Bruilof is ’n
vreugdevolle gebeurtenis en gaan dikwels gepaard met musiek, blomme, familie en vriende.
Die huwelik is een van die belangrikste gebeurtenisse in ’n persoon se lewe. ’n Formele,
openbare verbintenis is die begin van ’n leeftyd saam en die bruid en bruidegom mag selfs
die tradisionele woorde soos “in goeie tye of slegte tye, in rykdom of armoede, in gesondheid
of siekte totdat die dood ons skei” herhaal. Skandelik staan die toksiet ook daar en herhaal
die woorde, maar eintlik kook sy innerlik van haastigheid om met sy toksiese werksaamheid
van verwoesting te begin. By narsiste begin die meeste bose aktiwiteite net na die huwelik,
en party is nog slinkser en wag vir die eerste kind om gebore te word voordat hulle regtig met
hulle toksisiteit begin.

Indien jy beplan om te trou, is jy ten volle daarop voorbereid? Het jy ten minste een artikel of
boek oor narsisme gelees? Indien jy alreeds getroud is, hoe vorder jy met jou verbintenis? Het
jou drome ewe skielik en amper oornag in 'n hel verander? As daar 'n toksiet in jou midde is,
wat staan jou dan te doen, want die toksiet se verskyning is nou net voor die deur? Is daar
iets wat jy daaraan sal kan doen, en is jy opgewasse genoeg om dit te kan identifiseer vir die
monster wat dit is?

Ons weet almal dat die slaagsyfer van huwelike in hierdie land maar droewig is. Meer as 50%
eindig in die skeihof, maar hier praat ons spesifiek van 'n huwelik wat feitlik geen kans op
oorlewing het nie. Die eerste rede is die ontsaglike emosionele skade en die tweede is dat
daar baie keer ook geweld daarmee gepaard gaan. Liggaamlik en/of geestelik. En wat sê die
Bybel, soos ons vroeër gesien het, dat die Here wil hê ons moet in vrede in die huwelik lewe?

Ons in die Westerse wêreld behoort ons gesinne en ons huwelike te verstewig, en ons kan dit
doen deur liefde maar die enigste werklike manier is om die Here in ons huwelik voltyds toe
te laat. Die stabiliteit en gesondheid van die nasie is grootliks afhanklik van die stabiliteit en
gesondheid van die gesin. In baie samelewings word Bybelse waardes by die deur uitgegooi,
veral in 'n multi-kulturele nasie soos ons sin. Maar hierdie boek gaan nie oor die breër
probleem van huweliksontbinding in die algemeen nie, maar baie spesifiek rondom toksiese
mense binne die huwelik, en die gewaarborgde wrakstukke wat oorbly wanneer die soort
huwelik tot 'n einde kom..

Vir die oorgrote meerderheid van ons huwelike is dit baie waar, maar vir 'n beduidende
hoeveelheid, ongeveer 5% van hulle, is daar mense met toksiese

* Verwys asseblief na die Verkorte Woordelys agter. 173