Page 178 - Getroud met 'n Leuen

NabasDiep VERLIEF OP 'n LEUEN

en stemtoon. Die liefdes oorweldiging fase van die narsis, wanneer sy haar slagoffer mimiek,
is die enigste tyd wanneer 'n toksiet naastenby hierby sal kan uitkom en dan is dit in elk geval
'n vervalsing.

Grendel 2: Oorredingsvermoë.

Oorredingsvermoë sonder agting vir ander se denke, gevoelens en prioriteite, verander in
manipulasie, uitbuiting en afpersing. Voorbeelde van toksiese manipulasie is vals vleitaal,
dinge groter te maak as wat dit is, vergrote selfbeeld en eiewaan, druk op ander plaas, maak
van slagoffers, dubbelsinnige seine uitstuur.....vir narsiste is die gevolg van manipulasie, dat
oor tyd laat hulle baie verbrande brûe agter, en dit laat respek in disrespek verander.

Respekteer jy jou lewensmaat as ’n menslike wese wat na die beeld van God geskape is? Lees
wat God se opdrag is aangaande ons verhouding met andere: “Moenie iets doen uit selfsug
of uit ydele eer nie, maar in nederigheid moet die een die ander hoër ag as homself”
(Filippense 2:3). In 'n toksiese verhouding kom dit uit op die onmoontlike, dus kan geen mens
hom beroep op die Bybel en dit toepas op 'n toksiet of toksiese verhouding nie. Nie binne die
huweliksverhouding nie, want die uitsluitlike doel van die toksiet is om die huweliksmaat ten
gronde te laat gaan. Ja, jy behoort jou huweliksmaat te waardeer – hoër te ag as jouself, maar
nie vir die toksiet in jou midde nie. Eer en respekteer jou lewensmaat, maar vir narsiste is dit
eerder 'n kwessie van verwoes en vermoor jou lewensmaat. Daarmee saam hang die hele
kwessie van om jou lewensmaat te waardeer vir wie en wat hy is, vir die bydra tot die welstand
tot die verhouding of om te groei na iets wat begeerlik en volhoubaar is. Vir mense wat nog
nooit met 'n toksiet te doen gehad het nie, sal hierdie beskrywings na iets belagliks en
onwerklik klink. En dit is te verstane want dit is ook so vir die slagoffer wat in die verhouding
vasgevang is. As 'n toksiet in 'n hoek gedryf word binne 'n huweliksverhouding waar die
slagoffer uiteindelik besef wat aan die gebeur is, kan die bedrog, koudheid en
gewetenloosheid waartoe hierdie wesens instaat is, nie beskryf word nie.

Grendel 3: Reëlverbreking.

Ongelukkig is toksiese reëlverbreking nooit om 'n situasie te verbeter nie, of die verbetering
van 'n doel nie, maar baie eerder tot die selfsugtige voordeel van die toksiet self. Voorbeelde
van toksiese reëlverbreking sluit in: hulle druk voor in rye in, hulle gee klein fooitjies, hulle
dring in ander mense se persoonlike spasie in, hulle leen sonder om terug te gee, hulle gebruik
ander mense se goed sonder om te vra, hulle steel doelbewus kantoorbenodighede, hulle het
geen ontsag vir verkeersreëls nie, hulle verbreek maklik afsprake met ander, hulle daag laat
op by afsprake, 'n belofte het geen waarde vir hulle nie, hulle het 'n algemene minagting vir
die persoonlike regte van ander, ens. Sulke oortredings dui op 'n verwronge sin van eie
belangrikheid en 'n eie bevoorregting met 'n baie eng en egosentriese oriëntasie wat ander
geringskat en marginaliseer. Baie keer haal hierdie soort van ‘oortredings’ die toksiet in en
dan beland hy in die moeilikheid. Hulle het 'n geneigdheid om hulle alledaagse pligte soos
finansies, huispligte en hulle eggenoot te minimaliseer ten gunste van hulle opgeblase eie
belangrikheid.

* Verwys asseblief na die Verkorte Woordelys agter. 178