Page 30 - Getroud met 'n Leuen

NabasDiep VERLIEF OP 'n LEUEN

Dit is omdat ‘n verhouding binêr is. Daar is twee mense by betrokke, wat saamwerk om die
verhouding en mekaar te beskerm en te onderhou; wat meer is, as hierdie binêre verhouding
deur sy saad kinders voortbring, dan moet die samesyn die voortbestaan van die verhouding
des te meer bind om wedersydse hulp en onderskraging aaneenlopend te bou en te verseker.

Die teendeel is dat as een persoon in die verhouding ophou om die ander te ondersteun en
te help, dan verbrokkel die verhouding. As die een party met selfsug en geweld ‘n eie wil binne
die verhouding inforseer,
tree verrotting in. Hierdie
verhouding word selfs
meer gekompliseerd deur
die aard van ons eie
persoonlikhede asook ons
betrokkenheid en
gehoorsaamheid aan die
Ewige Woord. As een
persoon binne die
verhouding dominant wil
wees deur sy eie wil,
eerder as om
ondersteunend te wees;
dan sal die dominante
persoon ongeag sy geslag,
daarna poog om beheer te
verkry en dit te behou
deur taal, lyftaal, eiewil en
houding om die
verhouding te kaap. Deur
dit te doen en deur die
opdrag van die Here soos
gegee in die Bybel, te
versmaai, word hulle al
meer dominant en
uiteindelik neem hulle die
ander persoon oor en laat
hom sterf. Die ‘swakker’
persoon of normale vennoot het, binne die Christelike wette van die Bybel, geen heenkome
nie. Hy word gewelddadig vermoor sonder dat die moordenaar tot reg geroep word.
My naïwiteit rondom die moontlikheid dat so iets hoegenaamd ooit kon gebeur, veral in die
naam van liefde binne ‘n huwelik, en dit teenoor iemand vir wie jy veronderstel is om lief te
hê, kon dit nie op my radar van die toekoms laat registreer nie. Hierdie naïwiteit het my gelei
tot in die arms van ‘n persoon wat my geestelik en liggaamlik aangerand en gefolter het vir
twintig jaar. As jy dan binne hierdie gemors nie ‘n ondersteuningsgroep of vriende het nie, is
jou gesondheid die volgende ding wat die onderspit delf. Toksiese mense het dit ten doel om

* Verwys asseblief na die Verkorte Woordelys agter. 30