Page 32 - Getroud met 'n Leuen

NabasDiep VERLIEF OP 'n LEUEN

Ons bou self 'n huis op 'n plot omdat sy nie in 'n huis wil bly wat deur my werk verskaf word
nie, want dan word ons gereken as een van die gomgatte. Geld was skaars in daardie jare en
lenings vir huise op plotte was feitlik onbekombaar. Ons maak self stene, sand word agter uit
die plot aangery en sement gekoop en blokstene met 'n vorm word gemaak. Ek werk die hele
week van sewe tot sewe
om darem êrens in die
lewe te kom. Die plot is
nog 'n halfuur se ry ver
in die môre en in die
middag. Saterdae moet
daar eenvoudig net
stene gemaak word,
geen tyd vir kwaliteit
aandag aan die kinders
of ander dinge nie. Sy
kuier weeksdae by al
haar vriende en bekla
haar swaarkry. Sy begin
om koek te bak en te
verkoop omdat daar nie
genoeg geld is nie,
verwyte en nogmaals
verwyte. Maar die kort
van die storie is dat sy
nie genoeg het nie,
omdat sy nie kan ophou
skoene koop nie. Nie
goedkoop skoene
waarvan ons praat nie,
maar duur skoene en
wat nog alles.

As jy nie goed genoeg is
nie dan is jy nie goed
genoeg nie! Die
probleem is dat dit nie
saak maak hoe goed jy
regtig is nie, jy kan nie
goed genoeg wees vir 'n
toksiet nie, want in haar wese bestaan jy nie. Nie ooit nie, maar wat jy nie weet nie, is dat al
verkoop jy ook jou siel, dit nie goed genoeg sal wees nie. Onwetend lê hierdie probleem nie
by hoe goed of sleg jy is nie, dit is nie ter sprake nie. Dit lê eerder daarin dat die kinderjare
trauma by die toksiet na die verkeerde kant toe geslaan het en 'n afwyking veroorsaak het.

* Verwys asseblief na die Verkorte Woordelys agter. 32