Page 121 - WieEkIs Erin Nel

kan aflei nie. Ons moet dit elke dag oefen.

Hooglied 4:12: “My beminde bruid is ‘n tuin wat toegemaak is,
‘n tuin met ‘n muur om, ‘n fontein wat afgekamp is.” Die bruid
is ‘n tuin vol vrugte (vrug van die gees) wat omhein is net vir
Hom, wat net Syne is. Hy verlustig Hom in haar geestelike groei
en die geure wat die tuin vrystel. Hy is opgewonde oor die mooi
in haar. Jesus het ‘n tuin geskep, dit is deel van Sy hartsbegeerte,
dis hoekom een van die eerste dinge wat geskep was ook ‘n Tuin
was, die Tuin van Eden. Jesus wil hê Sy Bruid moet wees soos ‘n
vrugbare tuin, vol groen blare en vrug wat sy dra. Vrugte van
liefde, vreugde, vrede, geduld, vriendelikheid, goedhartigheid,
getrouheid, nederigheid en selfbeheersing. Dit is immers die
innerlike wat vir Hom belangrik is en nie die uiterlike nie. Die
Bruid se vrugte is dus die uitvloeisel van haar intimiteit met
Jesus.

In Hooglied 5:1 sê die Bruidegom: “Ek het na my tuin toe gekom,
my beminde bruid, ek pluk my mirre, my lekker-ruik kruie, ek
eet my lekker vars heuning, ek drink my wyn en my melk. Eet,
vriende, drink, word dronk van die liefde.”

Hy sê elke keer MY mirre, MY wyn, MY heuning... dit is alles
Syne. Hiermee vier Hy haar geestelikse groei en volwassenheid
saam met Sy vriende.

Sy het geslaap, alhoewel haar gees wakker was en sy Sy stem
gehoor het. Hy het gesê dat sy beminde Bruid vir Hom moet
oopmaak, dat Sy kop nat is van die dou (Tuin van Getsemane).
Maar in Hooglied 5:3 sien ons dat dit vir haar moeisaam is en

116