Page 125 - WieEkIs Erin Nel

Ons reaksie op wie God is

God het die mens uniek geskep, met ‘n gees soos die engele,
maar ook met ‘n siel. Hierdie het ons die vryheid van keuse
gegee. Ons kon kies om God te dien en nie te dien nie, en
tesame met hierdie vryheid, kom baie mag. Die prominente
deel van ons siel is die eie wil en emosies; dus om besluite te
kan neem en daarop te kan reageer is eie aan ons menswees.
Hierdie vryheid het die vermoë om ons dus onafhanklik van
God te maak as ons so sou kies. Ons voorvaders se rebellie teen
God was dus die teken van hulle onafhanklikheid. Die toring van
Babel was ‘n baie goeie voorbeeld van onafhanklikheid van God.

Ons is vandag op dieselfde pad as ons voorvaders, aangesien
ons al hoe meer leef in onafhanklikheid van God, alhoewel ons
dit dalk nie elke dag besef nie. Die Woord sê: “Ken Hom in al
jou weë”, maar doen ons dit? Praat ons met God oor ons
finansies, ons kinders, ons drome en besigheid? Verstaan ons
regtig die konsep van ken Hom in AL jou weë? Daarom dat God
beskik het dat die gees oorspronklik bo die siel verhewe was,
dat ons geesgelei en nie sielgelei moet wees nie. Daarom veg
ons elke dag teen die oorhand van die siel, vanaf die sondeval,
toe geestelike dood die wêreld oorval het.

120