Page 128 - WieEkIs Erin Nel

gevul met alles wat mooi, waar, edel, rein en goed is. Daar kan
geen plek wees vir hoogmoed, trots, rebellie en eie-ek
gesindhede nie. Ons moet die hartgesindheid van ons
Bruidegom weerspieel, daarom vra die Psalmdigter dat God sy
hart moet deurgrond en toets om te kyk of daar nog enige
ongeregtigheid in hom is.

Wat behels jou hart? Hierdie is dinge wat in jou innerlike mens
weerspieël word, soos jou denke, emosies en gevoelens. Dit is
hoe jy reageer teenoor mense, situasies en God. Hetsy
vriendelik, jaloers, nederig, geïriteerd, ongeduldig,
vredeliewend of liefdevol.

Ons elkeen het 'n behoefte aan innerlike genesing en heel word.
Om die ou mens agter te laat en in vryheid, heiligwording en
waarheid te leef. “Kyk, U het 'n welgevalle aan waarheid in die
binneste, en in die verborgene maak U aan my wysheid bekend.
Ontsondig my met hisop, dat ek kan rein wees; was my, dat ek
witter kan wees as sneeu.” (Psalm 51:8-9)

Ons moet daagliks voor God kom en ons harte ondersoek, en
om ons hart te ondersoek beteken nie om onsself in
negatiewiteit te kasty nie, maar om 'n hart van belydenis te hê.
Dit beteken om ons sonde voor God te bring en om vergifnis te
vra daarvoor. Dit is dan wanneer ons deur die bloed van Jesus
skoongewas word van die sonde in ons harte - alles deur die
groot genade van Abba God ons hemelse Vader, wat genadig en
barmhartig is.

Dawid was 'n man na God se hart, want alhoewel Dawid baie

123