Page 140 - WieEkIs Erin Nel

Om te besef wie ons is, is inherent om te besef wie ons ín God
is en dat alles wat ons is, doen, dink en hoe ons leef; alles vír
God is.

God het deur Jesus alles geskep wat in die hemel en op aarde
is. Alles is deur Hom en vír Hom geskep. Ons lewensdoel is veel
meer as om te wonder oor ons pad na geluk en persoonlike
vervulling. Soos ons reeds aan die begin gesien het, is ons
uitsluitlik hier op aarde geplaas deur God en vir God, vir ‘n doel.
Sý doel.

Dit beteken beslis nie dat ons nou nie vir God belangrik is nie!
God se onbaatsugtige liefde het gemaak dat Hy Sy enigste,
geliefde Seun gestuur het sodat ons versoen kan wees aan Hom.
In ons poging om ook tot God se liefde uit te reik bewys ons dus
hierdie onbaatsugtige liefde terug, deur ‘n Vader-gefokusde
liefde vir Hom te handhaaf. Uit liefde, nie uit plig. Omdat ons
wil, nie omdat ons móét nie.

God het aan ons elkeen ‘n unieke doel en roeping gegee, wat in
Sy perfekte plan vir ons en vir die mensdom pas. Aangesien ons
beplan was nog voor ons in die moederskoot aanmekaar
geweef is, en God ons toe al geken het, kan ons glo dat God
reeds toe al Sy plan vir ons elkeen gehad het.

Om ons doel en betekenis in die lewe te verstaan begin ons
gewoonlik by die verkeerde plek, by onsself. Ons was al elkeen
hier, ons het gewroeg oor hoe ons suksesvol kan wees in die
wêreld, hoe ons ‘n impak kan maak en hoe ons ons ambisies in

135