Page 143 - WieEkIs Erin Nel

Daarom moet ons enigste doel op aarde wees om tot eer van
God te leef, om Sy wil te doen en in verhouding met Hom te
wees. Die hoeveelheid tyd en vlak van ons gehoorsaamheid
gaan bepaal hoe ons verhouding met Hom gaan groei. Ons is
hier op aarde geplaas om ‘n saak groter as ons self te bevorder.

Soos ons deur die boek gewerk het, kon ons die Israeliete se
geestelike groei proses waarneem vanaf hul uittog uit Egipte,
deur die Rooi See, deur die woestyn, tot hulle uiteindelik die
beloofde land betree het.

Wat beteken hierdie Beloofde Land?

Anders as die Israeliete wat Kanaan ingeneem het, hul Beloofde
land, is ons weergawe nie ‘n fisiese land nie, maar ‘n geestelike
plek in ons verhouding met God. Dit is die plek van God se
teenwoordigheid. Dit is ‘n lewe van intimiteit waar jy God van
aangesig tot aangesig ontmoet, elke dag. Dit is ‘n lewe van
oorwinning oor sonde, siekte, vervolging en dood (Romeine 8).
Dit is ‘n lewe van wonderwerke. Dit is ‘n lewe gevul met die
heerlikheid van God.

Iemand uit die Bybel wat gereeld hier vertoef het was Moses.
Soveel so, dat sy gesig ‘n helder gloed gehad het van God se
glorie, wat hy moes bedek wanneer hy van God se
teenwoordigheid teruggekeer het na die volk. God se aangesig
is vir ons elkeen beskore, daarom het God opdrag gegee in
Numeri 6:24 dat Aäron die volk moet seën met die woorde:
“Die Here sal jou seën en jou behoed; die Here sal Sy aangesig

138