Page 141 - WieEkIs Erin Nel

die lewe kan volbring. Alles vanuit die verkeerde Ek-perspektief.
Geen wonder ons kon nie werklik sin maak hieruit nie, angesien
ons nog altyd onder die indruk was dat ons vir onsself geskep
is. Ons kan wel suksesvol wees, maar selfs dan steeds God se
doel en roeping oor ons lewe mis.

Dink net daaraan hoe dit sou voel as God aan die einde van jou
en my vir ons sou verduidelik wat ons roeping en doel was en
dat ek en jy dit heeltemal gemis het! My skeppingsdoel gemis!
Ek dink my hart sou breek. Ek is nog nie waar ek móét wees ten
opsigte hiervan nie, maar ek is darem oppad om my
skeppingsdoel te leef.

Hoe voel jy?
Leef jy vir jouself of leef jy jou skeppingsdoel?

Ons kan slegs ons identiteit ontdek deur ‘n lewende verhouding
te hê met Jesus Christus ons Messias. Jesus is die aangesig van
God, en dit is híér waar ons wil leef, in God se teenwoordigheid.
As ons ons doel ken, het ons lewe ‘n fokus, betekenis en
dryfkrag. Dan leef ons nie net om ons merk te maak nie. Ons
leef om ‘n ewigheids-impak te maak. Dit wat ons op aarde doen
kan ‘n rippel-effek tot in die ewige lewe hê.

‘n Bekende aanbiddingsleier het eenmaal vertel dat die Here
hom gewys het dat al die siele wat aangeraak is deur sy
bediening, te danke is aan hul huishulp uit sy kinderdae. Hierdie
huishulp het gedurig vir hom gebid en hom behandel met die
liefde van God. Sy het nie geskroom om hom vas te hou en te
vertel van God se liefde nie. Jare later het hy tot wedergeboorte

136