Page 145 - WieEkIs Erin Nel

met daardie persoon hê, tyd saam spandeer en hart tot hart
kan gesels. Dit is wat aardse verhoudings onder andere behels
en dit is ook wat ‘n verhouding met God behels.
Dit is ‘n persoonlike en intieme verhouding. Om deur God
gekén te word is die belangrikste ding op hierdie aarde. En God
se Vaderhart smag daarna om elkeen van ons persoonlik te ken
in liefde.

Daar is niks meer kosbaar op hierdie aarde om God se
teenwoordigheid te ervaar en die uitnodiging te aanvaar om
God te ken en deur God geken te word nie. Om hierdie rede is
ons geskep en is ons gered. Ons is geskep om gedurig in God se
teenwoordigheid te leef, maar die sondeval het hierdie
intimiteit verbreek. Jy is so na aan God soos wat jy wíl wees.

Hoe bou ons intimiteit?
Deur gehoorsaamheid.
Deur skuldbelydenis en om vergifnis vra.
Deur tyd saam met God te spandeer, in gebed en lofprysing.
Deur tyd in God se Woord te spandeer en dit te oordink.
Deur met oorgawe vír God te leef.

Daar is ook die kwessie van hoe ons op God en Sy
teenwoordigheid konsentreer wanneer Hy afsydig voel. Wat
ons moet onthou is dat God steeds God bly en liefde is, maak
nie saak hoe óns voel nie. Om gehoorsaam en getrou te bly
wanneer dit goed gaan in ons lewens is mos baie makliker. Maar
die toets en uithouvermoë kom juis wanneer ons deur hartseer,
onsekerheid, pyn en beproewing gaan. Wanneer daardie
saadjie van ons onder die grond is en nie die lig sien nie.

140