Page 147 - WieEkIs Erin Nel

Christus Jesus. Galasiers 4:7 sê: “Jy is dus nie meer ‘n slaaf nie;
jy is ‘n nou’n kind van God. En omdat jy Sy kind is, het God jou
ook Sy erfgenaam gemaak.” (Nuwe Vertaling) As kinders van
God moet ons dissipels wees en dissipels maak, ons moet die
wêreld terugneem wat die satan van ons gesteel het. Ons het
‘n hemelse erfenis wat ons kan en móét gebruik vir ons Vader
se koninkryk want met ons hemelse erfenis het ons dus ‘n
geestelike erfenis ook gekry! Nie om aan vas te hou en vir
onsself te hou nie, maar om aan te wend tot ons roeping in die
liggaam van Christus.

Hoe verkry ons hierdie erfporsie so reg uit die hemel? Sodra ons
Jesus as ons verlosser aanneem en wedergebore raak verkry
ons déúr Christus Jesus ons erfenis. Petrus skryf: “Nou het ons
‘n lewende hoop op die onverganklike, onbesmette en
onverwelklike erfenis wat in die hemel ook vir julle in bewaring
gehou word.” (1 Pet. 1:3-4, Nuwe Vertaling)

As jy wedergebore is, het jy ‘n kroon op jou kop. Ons is deel van
die Koninkryk van die hemel. Aangesien ons nou ergfename in
Christus is, het ons dus ook nou wettige reg tot al die skatte,
seëninge en outoriteit wat die hemelse Koning ons gee. Ons het
dit rééds. Die stoorkamers is propvol, want die hemel het
oorvloed!

Wat behels hierdie geestelike erfporsie? Ons wil elkeen nie net
bewus wees van hierdie erfporsie nie, maar in ons harte wil ons
dit eintlik lééf ook. Ons leef dit deur saam met die Gees in ons
roeping te stap en hierdie beginsels toe te pas in ons daaglikse
bestaan.

142