Page 52 - WieEkIs Erin Nel

tydperk van nege maande om hierde nuwe lewe voort te bring.
Kosbaar! Hierdie is as’t ware ‘n belangrike grootword proses, ‘n
voorbereiding vir dit wat nog kom, dit wat beter is.

Soos geboorte is hierdie proses in ons lewe ook normaal, deel
van die lewe, om ons te lei tot ‘n lewe van geestelike
volwassenheid en ook emosionele volwassenheid. Ons kan nie
die proses vryspring nie. Dit is inherent deel van wie ons is, ons
leerproses, ons groeiproses, ons proses tot heiligmaking; om
heel te word, nuut te word, te word wie ons geskep was om te
wees.

Die tyd van seisoene

Elke basiese ding in die lewe het ‘n proses. Om ‘n ete voor te
berei is ‘n proses. Om brood te bak bestaan uit ‘n proses, die
bestandele word gemeng, dan moet die brood tyd gegee word
om te rys, dan moet dit weer geknie word, weer rys, voordat dit
dan gebak kan word.

God het seisoene geskep vir die wêreld, ‘n seisoen vir saai en
plant, ‘n seisoen vir natmaak en versorging, ‘n seisoen vir snoei
en dan die seisoen waar die eindproduk geniet kan word,
oestyd. Die somtotaal van die afgelope jaar se proses en
seisoene. Sommige goed neem maar net tyd.

Ons leef in ‘n samelewing waar ons alles dadelik, nóú wil hê.
Ons vra vandag vir iets wat ons eintlik al gister wou gehad het.
Om geestelik volwasse te raak is nie om soos by ‘n kitskos drive-
thru deur te ry waar jy nóú by een venster bestel en twee

47