Page 54 - WieEkIs Erin Nel

ons nie genoeg suurstof en water gaan kry nie. Ons wonder
soms of God nog weet dat hy ons hier in die grond gesit het, of
Hy net dalk van ons vergeet het. Hierdie gedeelte vra die
meeste geloof van ons, om onder die grond, ondanks die
donker, die onsekerheid steeds die Saaier, die God van die
proses te vertrou. Juis omdat die proses so onsigbaar lyk.

Daar is dood en opstanding in elke saad. Die saad is die saad
van ons lewe, so in hierdie proses moet ons eers doodgaan,
voordat ons die vrug van die opstanding van ons saad sal ervaar.
Moelike woorde, né? Beslis, want dit vra nie min nie. Dit vra
alles.

Die proses gaan vra dat jy nie meer fake it till you make it nie,
maar dat jy faith it till you make it. God is in hierdie proses besig
om ons volwasse te maak ja, maar dit gaan van ons vra om Hom
te vertrou, geloof te hê in God om saam met ons die proses
voluit, einduit klaar te maak.

Belangrikheid van die proses

Hoekom moet ons hierdeur? Wie in hul gesonde verstand sal
doelbewus hierdie juk op hul skouers sit? Omdat God dit
toelaat vir ons eie beswil, ons eie groei, om nader aan Hom te
beweeg en om te ontdek en lééf wie Hy ons oorspronklik
gemaak het om te wees. Geestelike volwassenheid is om God
toe te laat om ons te lei. Dit is God se manier om ons te herinner
wie ons vir Hom is. Wie ons vir onsself is. Hierdie proses is juis
dit wat ons volwasse gaan maak, heel gaan maak en nuut gaan
maak. In daarde tye wat ons voel of God almal rondom ons

49