Page 58 - WieEkIs Erin Nel

So wanneer jy nie die voedingstowwe uit die grond rondom jou
kan kry nie, kan jy dit van binne kry. Nuwe lewe het altyd ‘n
brose begin, en alhoewel ‘n gemaksone lekker is, groei niks daar
nie. Soms gee God ons iets in saadvorm in een seisoen, wat eers
in die volgende seisoen ‘n oes sal aflewer. Ons moet die proses
daarin sien, dit eer vir wat dit is. Want ons omstandighede
bepaal nie wie ons is, of wat met ons gaan gebeur nie. Ons moet
in die proses leer om van binne na buite te leef.

Toby Mac stel dit so mooi: “The God on the mountain is still the
God in the valley.” Dieselfde Almagtige Vader. Want God is nie
wie ons in bepaalde omstandighede dink Hy is nie, Hy is wie Hy
sê is. Altyd. Vir ewig dieselfde.

Gebed

Pappa YHWH, ons ewige, werklike, alomteenwoordige God. Ek
vra vandag dat U my die genade skenk om die voetslaanpad van
my proses te kan hanteer. Dat U my sal stig en vashou, sodat ek
U onvoorwaardelik kan vertrou in die proses. Ek vra dat U my

53