Page 62 - WieEkIs Erin Nel

“wonderbaar geskape”. As ons deur die Woord lees kan ons
sien dat God baie aandag aan die fisiese liggaam skenk. Wat
baie fassinerend is, is dat selfs die Woord mens geword het en
onder ons kom woon het. Die Seun van God het ook die liggaam
van vlees en bloed ingeneem. Ons liggaam is stof en sal na stof
terugkeer, so waarom heg ons soveel waarde aan ons fisiese
pakkie?

Wanneer ons in die spieel kyk, wat sien ons? Ons sien ons neus,
hare, oë, maag, plooie ensovoorts. Party van ons sal minder
opgewonde en positief wees oor dit wat ons sien as ander. Party
sal skugter wees, selfs nie eers in die spieël wil kyk nie, en ander
sal onseker wees oor wat hulle sien, waar ander dalk heel
gemaklik sal wees met die beeld wat voor hulle in die spieël
staan.

Hoe dit ook al sy, ons almal se ontdekkingsreis verskil ten
opsigte van hoe ons voel oor ons beeld in die spieël. Die liggaam
wat na ons terugstaar sal namate die jare aanbeweeg, verander,
ouer word. Ons elkeen se spieël sal anders aan ons terug
reflekteer. Dit wat ons sien, en hoe ons dit sien, sal afhang van
ons raamwerk.

Om die punt van ons raamwerk te illustreer wil ek die voorbeeld
noem van ‘n baie interressante video wat ek eendag gesien het
op Youtube. Dit gaan oor persepsies wat verander in verskeie
mense se raamwerk. Die regisseur van die program het ses
fotograwe genooi om dieselfde man op kamera vas te lê. Die
opdrag was eenvoudig: neem die man af en lê sy karakter vas
op kamera. Aan elke fotograaf is afsonderlik ‘n aspek van die

57