Page 64 - WieEkIs Erin Nel

Leef sy haar droom? Leef hy sy doel? Daardie persoon in die
spieël – kén jy hom/haar? Ken jy die persoon wat daar na jou
terug staar?

So staan ek een oggend ook voor die spieël, besig om my hare
af te droog. Skielik praat die Heilige Gees met my “Wat dink jy
sien Ek as Ek na jou kyk?” Ons sien dadelik net die fisiese
liggaam, die onvolmaaktheid, die mooi en die lelik. Net daar
wys God vir my dat Hy kyk na wat in ons is. Die liggaam is vir
hom belangrik, maar wat nog belangriker is, wat Sy hart roer en
wat regtig saak maak is wat in ons gees is. Ons gees, ons hart
en ons siel. Ontbloot. Naak. Oop, totaal oorgegee voor Hom. Ek
het dadelik begin dink oor wat God in mý innerlike sou sien, ek
was taamlik skaam. Sien God die vrug van die Gees in my? Sien
God vrede, vreugde, vriendelikheid, geduld, liefde,
selfbeheering, goedheid, getrouheid en nederigheid? God kyk
na wat vir Hom die belangrikste is. Dit wat in die hart omgaan.
Want wat die hart van vol is, loop die mond van oor, en dit is
beslis so.

Ek kyk nou met ander oë na myself as ek in die spieël kyk, want
skielik maak dit minder saak wat ek sien, dit gaan oor wat ek
nie sien nie. Dit is juis daar waar ek moet groei.

Daar is ‘n besonderse gedig van Erin Hanson wat my bybly,
getiteld "Not" wat ‘n paar gedagtes mooi vaslê.

59