Page 63 - WieEkIs Erin Nel

man se karakter gegee soos: die man is ‘n biljoenêr, die man lei
aan depressie, die man kom sopas uit die tronk uit, die man is
‘n plaaslike visserman, hy is ‘n alkoholis, die man is ’n
spiritistiese medium (pshycic), die man is ‘n lewensredder. Elke
fotograaf neem dan die man alleen af. Wat interressant is, is dat
niks van die informasie oor die man die waarheid is nie, maar
elke fotograaf het vanuit sy eie persepsie die man afgeneem.
Op die ou einde is almal se foto's bymekaar gesit en dit lyk soos
ses verskillende mans wat hul afgeneem het. Die karakter wat
op elke foto verskyn is verskillend van die ander vyf. Die man
was dieselfde man, maar die fotograwe se persepsie van die
man het elke keer die atmosfeer en styl van die foto beïnvloed.
Soveel so dat elkeen verskil.

In die wêreld is dit ook so. Ons word beïnvloed deur ander
mense se opinies van ons. Die persoon wat ons in die spieël sien
is nie net noodwendig dit was ons oor onsself dink nie. Ander
mense se opinies dra klaarblyklik net soveel gewig.

Kreatief: Skryf drie positiewe dinge neer wat jy in jou spiëel sien.
__________________________________________________

__________________________________________________

__________________________________________________

Wat sien jy as jy in die spieël kyk? Sien jy nog dieselfde siel wat
20 jaar terug ook na jou teruggestaar het? Is jy tevrede met dit
wat jy sien? Het jy deur die jare vergeet wie die persoon in die
spieël is? Dink jy dat jy besonders geskep is? Dink jy die persoon
in die spieël het ‘n spesiale doel op aarde? Droom hy/sy nog?

58