Page 66 - WieEkIs Erin Nel

Kreatief: Watter leuens glo jy, of het jy tot onlangs geglo oor
jouself wanneer jy na jouself in die spieël kyk, hetsy fisies,
emosioneel of geestelik?
__________________________________________________

__________________________________________________

__________________________________________________

Jakobus 1:23 sê:
“Want as iemand ‘n hoorder van die Woord is en nie ‘n dader
nie, díe is soos ‘n man wat sy natuurlike gesig in ‘n spieël sien:
want hy sien homself en gaan weg en vergeet dadelik hoe hy
gelyk het.”

Die spieël waarvan Jakobus praat in sy boek, wys jou hoe jy
veronderstel is om te lyk. Hoe jy moet lyk wanneer jy
vrygemaak, heelgemaak en nuutgemaak is. ‘n Nuwe skepping
is in Christus. As jy jou identiteit in Christus ontvang en verstaan.
Dit het tyd geword dat ons vanuit dáárdie spieël leef, dink en
doen, sodat ons nie net kyk, omdraai en vergeet nie maar leef
wie ons geroep is om te wees.

Ons laat toe dat die satan van ons steel, ons gedagtes met sy
leuens kaap. Ons onthou die goed wat ons eintlik moet vergeet
en vergeet die goed wat ons eintlik moet onthou! Hoe ons oor
onsself dink, beïnvloed ons liggaam sowel as ons siel. Baie van
ons verval in swak eetgewoontes of verslawings as gevolg van
hoe ons oor onsself voel, as gevolg van hoe ons oor onsself dink.
Wat laat ons toe in ons gedagtes oor onsself?

61