Page 56 - WieEkIs Erin Nel

Die uithouvermoë verbonde aan die doel

Ons almal hunker na die openbaring van ons doel. Daarom
moet ons besef dat ons doel en plan vir ons lewe in ons proses
lê, reg onder ons neus; voor ons oë. God ontwikkel ons doel
deur ons swaar tye, ons saadjie tye. Daardie tye waar ons diep
onder die grond lê, eenkant is, moeg en moedeloos is. Hierdie
proses kan nie suksesvol wees as ons nie deurdruk nie, ons
moet uithouvermoë hê, perserverance.

Paulus sê nie verniet dat ons die wedloop met volharding moet
hardloop en tot by die wenpaal moet volhou, uithou en aanhou
nie. Persevere. Ons kan gerus hier ‘n belangrike les by Job leer,
want hy het ten spyte van sy omstandighede, sy proses, steeds
in God vertrou. Selfs sy eie vrou het gevra hoekom vervloek hy
nie eerder vir God en dood nie!

Hier kan ons self sien dat die proses nie maklik is nie, maar God
het geweet ons gaan deur hierdie prosesse moet loop, en soms
kruip ons daardeur, daarom het God ons geskep om te kan
volhard. Om te kan uithou, aanhou... persevere. Onthou, die
satan het Job nie beproef sonder God se toestemming nie. Hy
moes voor God gaan en vra of hy dit mag doen. As hy Job kon
aanval, sal hy vir jou en my ook probeer aanval, met die doel
om ons roeping te steel, ons weg te kry van God af.

Die beste illustrasie van ‘n proses in die Woord is beslis vir my
die voorbeeld van Jesus se grootword proses terwyl Hy op
aarde was. Jesus was baba, toe ‘n klein seuntjie met boeties en
sussies rondom Hom, deel van ‘n gesin. Jesus moes in die vlees

51