Page 191 - አብን

አብን

 ጠንካራ የሥራ ባሕልና ሥነ-ምግባር (work ethic)

እንዲኖርና እንዲስፋፋ አስፈላጊው ጥረት ይደረጋል።
 በሕብረተሰቡ አባላት መካከል ማኅበራዊ ትሥሥርና
እምነት እንዲስፋፋ ለማድረግ የሚያስችሉ የማኅበራዊ
ካፒታል ትምህርትና ምርምር ተቋማት ይቋቋማሉ።

3.11. መንግስታዊ ያልሆኑ ድርጅቶች (መያዶች)

 መንግስታዊ ያልሆኑ ድርጅቶች ለኢትዮጵያ ሰላምና
ልማት ከፍተኛ ሚና ይጫወታሉ። በመሆኑም የአገር
ውስጥም ሆነ ዓለምአቀፍ መያዶች በሕብረተሰቡ
ልማት ሥራ ጉልህ ሚና እንዲጫወቱ ይበረታታሉ።

 ለመያዶች ማነቆ የሆኑ ሕጎች ይሻራሉ፤ ለሥራ ምቹ
ሁኔታ ይፈጠርላቸዋል።
 መያዶች ገቢያቸውና የተሰማሩበት የሥራ መስክ
እየታየ የሚደጎሙበት መንገድ ይመቻችላቸዋል።
 አገር በቀል መያዶች እንዲስፋፉና እንዲያድጉ
ይበረታታሉ።

 መያዶች እንዲበረታቱና እንዲጠናከሩ ይደረጋል፤
የአገሪቱን ሕግ አክብረውና ከመንግስት ተጽዕኖና
ጣልቃ-ገብነት ነጻ ሆነው እንዲሰሩ ይደረጋል።
 በሌሎች አገሮች በሰብዓዊ መብት፣ በልማትና በሰላም
ተጨባጭ ውጤት ያስገኙና ለአገር ልማትና እድገት
እንደሚበጁ የሚታመኑ ዓለምአቀፍ ግብረሰናይ
ድርጅቶች ወደ ኢትዮጵያ እንዲገቡ ይበረታታሉ።

189 ጊዜው አሁን ነው! አብንን ይምረጡ !