Page 100 - alice-kbd_text.qxp_9781904808169_text
P. 100
АЛИСЭ ТЕЛЪЫДЖЭЩӀЫМ ЗЭРЫЩЫӀАР
„Къыдомыхыу, кхъыӏэ, лей,
Жыг къуэдамэм уэ дэлъей:
Дэ уи къуакъуэм дыхозэш,
Дахэ дыдэу уэрэд къиш!“»
Абдежым Жыгхадэ Жеинэр къызэщыури уэрэд къыхидзащ:
«Уэрэд къиш… уэрэд къиш… уэрэд къиш… уэрэд къиш…» Жеи -
нэм а уэрэд кӏапэр, инауэ, къытригъэзэжурэ жиӏащ Пыӏэщӏыр
къепӏэскӏухукӏэ. Къызерепӏэскӏуу, щигъэтыжащ.
«Уэрэдым и япэ пычыгъуэр жысӏэн сыухатэкъым,» къыпидзащ
Пыӏэщӏым, «Уэлий-Гуащэр къэгъуэхъуащ: „Мыбы ди зэманыр
ӏуепӏэ! И щхьэр псынщӏэу пывгъэлъэт!“, жери.»
«Ар сыту хьэкӏэкъуэкӏагъ, сымыгъуэ!» къызыпхидзащ Алисэ.
«Абы къыщыщӏэдзауэ,» жиӏащ нэщхьейуэ Пыӏэщӏым, «зэманым
зыкъисхуигъэгусащи зигъэхъейкъым. Сыт щы гъуэкӏи сыхьэтыр
хым тетщ.»
Абдежым Алисэ и щхьэм нэсащ. «Хы жыпӏа?» щӏэупщӏащ ар.
«Ара ӏэнэр шей ефэгъуэм щӏыхуэхьэзырыр?»
74
