Page 180 - Guerra civil

CAYO JULIO CÉSAR

4 Itaque infirmiores milites ex omnibus centuriis deligi

iubet quorum aut animus aut uires uidebantur sustinere non
posse. 5 Hos cum legione una praesidio castris relin­

quit; reliquas legiones expeditas educit magnoque numero
iumentorum in flumine supra atque infra constituto tra­

ducit exercitum. 6 Paucis ex his militibus arma ui
fluminis arrepta; ab equitatu excipiuntur ac subleuantur;

interit tamen nemo. Traducto incolumi exercitu, copias
instruit triplicemque aciem ducere incipit. 7 Ac tantum

fuit in militibus studii, ut milium sex ad iter addito ad

uadum circuitu magnaque fluminis mora interposita eos
qui de tertia uigilia exissent ante horam diei ix conse­

querentur.

LXV. 1 Quos ubi Afranius procul uisos cum Petreio
conspexit, noua re perterritos locis superioribus constitit

aciemque instruit. 2 Caesar in campis exercitum reficit,

ne defessum proelio obiciat; rursus conantis progredi
insequitur et moratur. 3 Illi necessario maturius quam

constituerant castra ponunt. Suberant enim montes atque

a milibus passuum v itinera difficilia atque angusta exci­
piebant. 4 Hos montes intrare capiebant ut equitatum

effugerent Caesaris, praesidiisque in angustiis conlocatis

exercitum itinere prohiberent, ipsi sine periculo ac timore

Hiberum copias traducerent.1 5 Quod fuit illis conan­
dum atque omni ratione efficiendum; sed totius diei pugna

atque itineris labore defessi rem in posterum diem distu­
lerunt. 2 Caesar quoque in proximo colle castra ponit.

45