Page 222 - Guerra civil

CAYO JULIO CÉSAR

conflixerunt, ut uehementissime utraque ex concursu labo­
rarent, altera uero praefracto rostro tota conlabefieret..

6 Qua re animaduersa, quae proximae ei loco ex Bruti
classe naues erant, in eas inpeditas impetum faciunt cele-

riterque ambas deprimunt.

VII. 1 Sed Nasidianae naues nullo usui1 fuerunt

celeriterque pugna excesserunt; non enim has aut cons­
pectus patriae aut propinquorum praecepta ad extremum

uitae periculum adire cogebant. 2 Itaque ex eo numero
nauium nulla desiderata est; ex Massiliensium classe v sunt

depressae, m i captae, una cum Nasidianis profugit; quae

omnes citeriorem Hispaniam petiuerunt. 3 At ex reli­
quis una praemissa Massiliam huius nuntii perferendi

gratia cum iam adpropinquaret urbi, omnis sese multitudo
ad cognoscendum effudit, et, re cognita, tantus luctus

excepit, ut urbs ab hostibus capta eodem uestigio uideretur.
4 Massilienses tamen nihilo secius 2 ad defensionem urbis

reliqua apparare coeperunt.

VIII. 1 Est animaduersum ab legionariis qui dex­
tram partem operis administrabant ex crebris hostium

eruptionibus magno sibi esse praesidio posse, si ibi pro

castello ac receptaculo turrim ex latere sub muro facissent.
Quam primo ad repentinos incursus humilem paruamquc

fecerunt. 2 Huc se referebant; hinc, si qua maior

oppresserat uis, propugnabant; hinc ad repellendum et

prosequendum hostem procurrebant. Patebat haec quoquo
uersus pedes xxx, sed parietum crassitudo pedes v.

66