Page 268 - Guerra civil

CAYO JULIO CÉSAR

incolumibus, ex numero aduersariorum circiter d c inter­
fectis ac mille uulneratis; qui omnes discessu Curionis

multique praeterea per simulationem uulnerum ex castris
in oppidum propter timorem sese recipiunt. 6 Qua re
animaduersa Varus et terrore exercitus cognito bucinatore

in castris et paucis ad speciem tabernaculis relictis2 de
tertia uigilia silentio exercitum in oppidum reducit.

XXXVI. 1 Postero die Curio obsidere Vticam ual-
loque circummunire instituit. Erat in oppido multitudo

insolens belli diuturnitate otii, Vticenses pro quibusdam
Caesaris in se beneficiis illi amicissimi, conuentus is qui

ex uariis generibus constaret, terror ex superioribus proe­

liis magnus. 2 Itaque de deditione omnes iam palam
loquebantur, et cum P. Attio agebant ne sua pertinacia

omnium fortunas perturbari uellet. 3 Haec cum age­

rentur, nuntii praemissi ab rege Iuba uenerunt, qui illum
adesse cum magnis copiis dicerent et de custodia ac defen­

sione urbis hortarentur.1 Quae res eorum perterritos ani­

mos confirmauit.

XXXVII. 1 Nuntiabantur haec eadem Curioni, sed

aliquandiu fides fieri non poterat; tantam habebat suarum

rerum fiduciam. 2 Iamque Caesaris in Hispania res
secundae in Africam nuntiis ac litteris 1 perferebantur.

Quibus omnibus rebus sublatus nihil contra se regem

nisurum existimabat. 3 Sed ubi certis auctoribus com-
perit minus v et xx milibus longe 2 ab Vtica eius copias

abesse, relictis munitionibus sese in Castra Cornelia recepit.

89