Page 270 - Guerra civil

CAYO JULIO CÉSAR

4 Huc frumentum comportare, castra munire, materiam
conferre coepit statimque in Siciliam misit, uti duae legio­

nes reliquusque equitatus ad se mitteretur. 5 Castra
erant ad bellum ducendum aptissima natura et loci mu­
nitione et maris propinquitate et aquae et salis copia, cuius
magna uis iam ex proximis erat salinis eo congesta.

6 Non materia multitudine arborum, non frumentum, cu­
ius erant plenissimi agri, deficere poterat. Itaque omnium

suorum consensu Curio reliquas copias expectare et bel­
lum ducere parabat.

XXXVIII. 1 His constitutis rebus probatisque con­

siliis, ex perfugis quibusdam oppidanis audit Iubam
reuocatum finitimo bello et controuersiis Leptitanorum res­

titisse in regno, Saburram, eius praefectum, cum medio­

cribus copiis missum Vticae appropinquare. 2 His

auctoribus temere credens consilium commutat et proelio
rem committere constituit. Multum ad hanc rem proban­

dam adiuuat adulescentia, magnitudo animi, superioris

temporis prouentus, fiducia rei bene gerendae. 3 His re­
bus inpulsus equitatum omnem prima nocte a d 1 castra

hostium mittit ad flumen Bagradam; quibus praeerat

Saburra, de quo ante erat auditum; sed rex cum omnibus
copiis insequebatur et sex milium passuum interuallo ab

Saburra consederat. 4 Equites missi nocte iter conficiunt

imprudentisque atque inopinantis hostis aggrediuntur. Nu­
midae enim quadam barbara consuetudine nullis ordinibus

passim consederant. 5 Hos oppressos somno et disper­

sos adorti magnum eorum numerum interficiunt; multi

90