Page 272 - Guerra civil

CAYO JULIO CÉSAR

perterriti profugiunt. Quo facto ad Curionem equites
reuertuntur captiuosque ad eum reducunt.

XXXIX. 1 Curio cum omnibus copiis quarta uigilia

exierat cohortibus v castris praesidio relictis. Progressus

milia passuum vi equites conuenit, rem gestam cognouit;
ex captiuis quaerit quis castris ad Bagradam praesit; res­

pondent Saburram. 2 Reliqua studio itineris confici-

undi quaerere praetermittit, proximaque respiciens signa:

«Videtisne», inquit, «milites, captiuorum orationem cum
perfugis conuenire? Abesse regem, exiguas esse copias

missas, quae paucis equitibus pares esse non potuerint?

3 Proinde ad praedam, ad gloriam properate, ut iam de
praemiis uestris et de referenda gratia cogitare incipia­

mus.» 4 Erant per se magna, quae gesserant equites,

praesertim cum eorum exiguus numerus cum tanta multi­
tudine Nuinidarum conferretur. Haec tamen ab ipsis in­

flatius commemorabantur, ut de suis homines laudibus

libenter praedicant. 5 Multa praeterea spolia praefe­

rebantur, 1 capti homines equitesque producebantur, ut

quicquid intercederet temporis, hoc omne uictoriam morari
uideretur. 6 Ita spei Curionis militum studia non de­

erant. 2 Equites sequi iubet sese iterque accelerat, ut quam

maxime ex fuga perterritos adoriri posset. At illi itinere

totius noctis confecti subsequi non poterant atque alii

alio loco resistebant. Ne haec quidem res Curionem ad

spem morabatur.

91