Page 300 - Guerra civil

CAYO JULIO CÉSAR

XIV. 1 Calenus legionibus equitibusque Brundisi in

naues inpositis, ut erat praeceptum a Caesare, quantum
nauium facultatem habebat, naues soluit, paulumque a

portu progressus litteras a Caesare accepit, quibus est

certior factus portus litoraque omnia classibus aduersa-
riorum teneri. 2 Quo cognito se in portum recipit
nauesque omnes reuocat. Vna ex his, quae perseuerauit

neque imperio Caleni obtemperauit, quod erat sine militibus

priuatoque consilio administrabatur, delata Oricum atque
a Bibulo expugnata est; 3 qui de seruis liberisque

omnibus ad inpuberes supplicium sumit et ad unum inter­
ficit. Ita exiguo tempore magnoque casu totius exercitus

salus constitit.

XV. 1 Bibulus, ut supra demonstratum est, erat in
classe ad Oricum et, sicuti mari portibusque Caesarem

prohibebat, ita ipse omni terra earum regionum prohi­
bebatur. 2 Praesidiis enim dispositis omnia litora a

Caesare tenebantur, neque lignandi atque aquandi neque

naues ad terram religandi1 potestas fiebat. 3 Erat res
in magna difficultate summisque angustiis rerum neces­

sariarum premebantur, adeo ut cogerentur sicuti reliquum
commeatum ita ligna atque aquam Corcyra nauibus onera­

riis subportare; 4 atque etiam uno tempore accidit ut
difficilioribus usi tempestatibus ex pellibus quibus erant

tectae naues nocturnum excipere rorem cogerentur.

5 Quas tamen difficultates patienter atque aequo animo fe­
rebant neque sibi nudanda litora et relinquendos portus

existimabant. 6 Sed cum essent in quibus2 demons-

105