Page 302 - Guerra civil

f

CAYO JULIO CÉSAR

traui angustiis, ac se Libo cum Bibulo coniunxisset, loqu­

untur ambo ex nauibus cum M. Acilio et Statio Murco
legatis, quorum alter oppidi muris, alter praesidiis terres­

tribus praeerat: uelle se de maximis rebus cum Caesare
loqui, si sibi facultas detur. Huc addunt pauca rei con­

firmandae causa, ut de compositione acturi uiderentur.
7 Interim postulant ut sint indutiae, atque ab iis impe­

trant. 8 Magnum enim quod adferebant uidebatur, et
Caesarem id summe sciebant cupere, et profectum aliquid

Vibulli mandatis existimabatur.

XVI. 1 Caesar eo tempore cum legione una pro­
fectus ad recipiendas ulteriores ciuitates et rem frumenta­

riam expediendam, qua anguste utebatur, erat ad Buthro­

tum oppidum oppositum Corcyrae. 2 Ibi certior ab
Acilio et Murco per litteras factus de postulatis Libonis

et Bibuli legionem relinquit; ipse Oricum reuertitur.

3 Eo cum uenisset, euocantur illi ad conloquium. Prodit
Libo atque excussat Bibulum, quod is iracundia summa erat

inimicitiasque habebat etiam priuatas cum Caesare ex

aedilitate et praetura conceptas; ob eam causam conlo­
quium uitasse, ne res maximae spei maximaeque utilitatis

eius iracundia impedirentur. 4 Pompei summam esse

ac fuisse semper uoluntatem ut componeretur atque ab
armis discederetur. Se potestatem eius rei nullam habere,

propterea quod de consilii sententia summam belli rerum-

que omnium Pompeio permiserint. 5 Sed postulatis
Caesaris cognitis missuros ad Pompeium, atque illum

106