Page 346 - Guerra civil

CAYO JULIO CÉSAR

recipiendum crates derectae longurique obtecti et institu­
tae fossae magno impedimento fuerunt. 6 Nostri uero,

qui satis habebant sine detrimento discedere, compluribus
interfectis, v omnino suorum amissis quietissime receperunt

pauloque citra eum locum aliis comprehensis collibus muni­
tiones perfecerunt.

XLVII. 1 Erat noua et inusitata belli ratio cum tot

castellorum numero tantoque spatio et tantis munitioni­
bus et toto obsidionis genere, tum etiam reliquis rebus.

2 Nam quicumque alterum obsidere conati sunt, perculsos

atque infirmos hostes adorti aut proelio superatos aut

aliqua offensione permotos continuerunt, cum ipsi numero
equitum militumque praestarent; causa autem obsidionis

haec fere esse consueuit ut frumento hostes prohiberent.

3 At tum integras atque incolumes copias Caesar infe­
riore militum numero continebat, cum illi omnium rerum

copia abundarent; cotidie enim magnus undique nauium

numerus conueniebat quae commeatum subportarent, neque

ullus flare uentus poterat quin aliqua ex parte secundum
cursum haberent. 4 Ipse autem, consumptis omnibus

longe lateque frumentis, summis erat in angustiis. 5 Sed

tamen haec singulari patientia milites ferebant. Re­
cordabantur enim eadem se superiore anno in Hispania

perpessos labore et patientia maximum bellum confecisse;

meminerant1 ad Alesiam magnam se inopiam perpessos,
multo etiam maiorem ad Auaricum, maximarum se gentium

uictores discessisse. 6 Non illis hordeum 2 cum daretur,

128