Page 348 - Guerra civil

CAYO JULIO CÉSAR

non legumina recusabant; pecus 1 uero, cuius rei summa

erat ex Epiro copia, magno in honore habebant.

XLVIII. 1 Est etiam genus radicis inuentum ab iis

qui fuerant in alaribus,1 quod appellatur chara, quod

admixtum lacte multum inopiam leuabat. Id ad similitu­
dinem panis efficiebant. 2 Eius erat magna copia. Ex
hoc effectos panes, cum in conloquiis Pompeiani famem

nostris obiectarent, uulgo in eos iaciebant ut spem eorum

minuerent.

XLIX. 1 Iamque frumenta maturescere incipiebant

atque ipsa spes inopiam sustentabat, quod celeriter se

habituros copiam confidebant; crebraeque uoces militum
in uigiliis colloquisque audiebantur prius se cortice ex
arboribus uicturos quam Pompeium e manibus dimissuros.

2 Libenter etiam ex perfugis cognoscebant equos eorum

tolerari, reliqua uero iumenta interisse; uti autem ipsos
ualitudine non bona cum angustiis loci et odore taetro

ex multitudine cadauerum et cotidianis laboribus, insuetos
operum, tum aquae summa inopia adfectos. 3 Omnia

enim flumina atque omnes riuos qui ad mare pertinebant
Caesar aut auerterat aut magnis operibus obstruxerat,

atque ut erant loca montuosa et asperae angustiae uallum,
has sublicis in terram demissis praesaepserat terramque

adgesserat ut aquam contineret. 4 Ita illi necessario

loca sequi demissa ac palustria et puteos fodere cogebantur
atque nunc laborem ad cotidiana opera addebant; qui

tamen fontes a quibusdam praesidiis aberant longius et

129