Page 414 - Guerra civil

CAYO JULIO CÉSAR

omnes conseruauit militibusque suis commendauit ne qui
eorum uiolaretur, neu quid sui desiderarent. 3 Hac

adhibita diligentia ex castris sibi legiones alias occurrere
et eas quas secum duxerat inuicem requiescere atque in

castra reuerti iussit eodemque die Larisam peruenit.

XCIX. 1 In eo proelio non amplius ducentos milites
desiderauit, sed centuriones, fortes uiros, circiter xxx

amisit. 2 Interfectus est etiam fortissime pugnans
Crastinus, cuius mentionem supra fecimus, gladio in os

aduersum coniecto. 3 Neque id 1 fuit falsum quod ille
in pugnam proficiscens dixerat. Sic enim Caesar existi­

mabat eo proelio excellentissimam uirtutem Crastini fuisse
optimeque eum de se meritum iudicabat. 4 Ex Pom-

peiano exercitu circiter milia xv cecidisse uidebantur, sed
in deditionem uenerunt amplius milia xxim (namque

etiam cohortes quae praesidio in castellis fuerant sese Sy­
llae dediderunt), multi praeterea in finitimas ciuitates

refugerunt, signaque militaria ex proelio ad Caesarem sunt

relata clxxx et aquilae ix. 5 L. Domitius ex castris in
montem refugiens, cum uires eum lassitudine defecissent,

ab equitibus est interfectus.

C. 1 Eodem tempore D. Laelius cum classe ad Brun­
disium uenit eademque ratione qua factum a Libone antea

demonstrauimus insulam obiectam portui Brundisino
tenuit. 2 Similiter Vatinius, qui Brundisio praeerat,

tectis instructisque scaphis elicuit naues Laelianas atque ex
his longius productam unam quinqueremem et minores

162