Page 32 - 200133- Book-Digital-pdf

SCÉALTA I bhFOIRM PICTIÚR

PORTRÁIDÍ TEAGHLACH

San am atá caite, ní bhíodh d’acmhainn ach ag daoine saibhre ealaíontóir a íoc chun an teaghlach a
phéinteáil, líníocht díobh a tharraingt nó grianghraf díobh a ghlacadh. Bhí siad ábalta teicneolaíocht nua a
úsáid freisin chun a bportráidí féin a dhéanamh. Uaireanta, déanann ealaíontóirí portráidí díobh féin; tugtar
féinphortráidí orthu. Mar sin, an chéad uair eile a ghlacann tú féinín, is féinphortráid atá á cruthú agat!

Geraldine Henry: Grianghraf Circa 1883

Bhí Geraldine Henry ina déagóir nuair a ghlac a deartháir
Alexander an grianghraf seo di. Cuireadh an grianghraf
in albam an teaghlaigh agus tá an lipéad lámhscríofa a
cuireadh leis agus na clibíní a úsáideadh chun é a ghreamú
le feiceáil fós. Bhí gléasadh i mbréagéide go mór san
fhaisean an tráth sin. Chuir muintir na hEorpa eolas ar
ealaín agus ar chultúr na hÉigipte go luath sa 19ú haois
agus thug muintir Henry cuairt ar an Éigipt. Is é sin an fáth
go raibh éide thraidisiúnta na hÉigipte á caitheamh aici.

• Cad a fheiceann tú a aithníonn tú?

• Cad a fheiceann tú atá neamhghnách?

• Caitheamh aimsire nua do dhaoine saibhre a bhí sa
ghrianghrafadóireacht agus bhí an t-ádh ar Alexander
a threalamh féin agus seomra dorcha a bheith aige. Glac
sé grianghraif dá mhuintir, dá dtithe agus dá gcaithimh
aimsire. An eol duit an úsáid a baineadh as seomra dorcha?

Florence Henry: Olaphéint ar chanbhás

(cóip) Circa 1875

Rugadh Florence sa bhliain 1870, agus ba í an duine ab óige
de chlann Henry. Ní heol dúinn cérbh é an t-ealaíontóir,
ach is pictiúr ardcháilíochta é seo.

• Bheadh na huaireanta an chloig i gceist leis an bpictiúr
olaphéinte seo a chur i gcrích. Chun an méid ama a bhí
ar Florence fanacht gan chorraí, seoladh a gúna chuig an
ealaíontóir agus phéinteáil sé ar dtús é. Ní raibh air ach
a haghaidh agus a lámha a phéinteáil agus í os a chomhair
amach!

• Tá léite againn gur leanbh spraíúil agus diabhalta a bhí in
Florence; an féidir leat é sin a fheiceáil sa phictiúr? Cé air
a raibh sí ag smaoineamh, meas tú?

31
12