Page 130 - Safarova N., Safarov B. elektron darslik
P. 130
kuchli elektromagnit maydondan о‘tayotgan ingichka ion dastasida fokuslanadi.
Ion nuri qabul qilgichdagi ingichka teshik orqali kollektorga tushib, uning
zanjirida elektr tokini hosil qiladi. Magnit maydoni kuchlanishining miqdoriga
qarab, kollektorga tushayotgan ionlar massasining zaryadga nisbati katta yoki
kichik bо‘lishi tabiiy, albatta. Magnit maydonining kuchlanishini о‘zgartirish
yо‘li bilan ionlar tо‘plamidan kerakli ionlarni ajratib olish mumkin.
Mass-spektrometrda taxlil qilishda namunalarni tayyorlash alohida о‘rin
tutadi. Chunki, moddalar yuqori vakuum sharoitida tahlil qilinishi sababli, juda
toza va turli gaz va suv bug‘laridan xoli bо‘lishi lozim. Buning uchun
namunadagi barcha azotli birikmalar molekulyar azot kо‘rinishida ajratiladigan
maxsus kiritish tizimlaridan о‘tkaziladi va suyuq azot bilan tо‘ldirilgan
sovitgich-tozalash tizimi orqali apparat kamerasiga kiritiladi. Minus 170° S
haroratda suv va gaz bug‘lari muzlab, tahlilga xalaqit bermaydigan shaklga
о‘tadi.
Shuningdek, hozirgi kunda Paxtachilik seleksiyasi, urug‘chiligi va
yetishtirish agrotexnologiyalari ilmiy tadqiqot institutining О‘g‘itlar bо‘limida
ham tuproq, о‘simlik va о‘g‘itlarning agrokimyoviy tahlili zamonaviy asbob-
anjomlarda amalga oshirilmokda (2,3 va 4-rangli rasmlar).
4-Amaliy mashg‘ulot. Ilmiy tadqiqotlar ma’lumotlariga statistik ishlov
berish va tahlil qilish (misollar keltirish asosida matematik taxlil qilish)
Mazkur ishda qisqa va nisbatan о‘zlashtirish oson bо‘lgan shaklda, olingan
ma’lumotlarning о‘zgaruvchanligi, variatsiya qatorlarining asosiy elementlari va
dala tajribalaridan olingan hosil ma’lumotlarini qayta ishlash usullarini
xarakteristikasi, xamda uni qayta ishlashning turli usullari va turli о‘rtacha
miqdorlarning aniqligi xaqida umumiy tushuncha beriladi. Bu ish yoritayotgan
soxani tо‘liq qamrab olishga da’vogarlik qilmaydi, ma’lumotlarni matematik qayta
ishlash soxasini endi о‘zlashtirishni boshlaganlarga amaliy qо‘llanma bо‘lishi
mumkin.
130
