Page 40 - Safarova N., Safarov B. elektron darslik
P. 40
miqdordagi tо‘yimli mahsulot bilan bir kunda tuxumga kirgan 1600 ta tovuqni
oziqlantirish mumkin.
Suvli muhit gidroponikasi. Bu usul qattiq muhitda (substratda) о‘tkaziladigan
gidroponikaga nisbatan bir qator ustunliklarga (substratni sotib olish, tashish va
ishlov berish, ularni dezinfeksiyalash, tozalash va regeneratsiya qilish, oziq
aralashmani avtomatik ravishda berish va tо‘kish kabi tadbirlarga sarf xarajat
qilinmaydi) ega bо‘lsada, kamroq kо‘lamda qо‘llaniladi. Bu usuldagi qо‘shimcha
tadbirlar jumlasiga stelajlar ustiga о‘simliklarni mahkamlash uchun qopqoqlar
о‘rnatish va oziq aralashmaga muntazam ravishda havo yuborishlarni kiritish
mumkin (2-rangli rasm).
Suvli muhitda о‘simliklar substratli muhitdagiga nisbatan oziq elementlarni
kо‘proq о‘zlashtiradi, qaysiki bevosita suvli muhitda о‘simliklar ildizining kо‘proq
hajmdagi eritmaga tegib turishi bilan izohlanadi.
Suvli muhitdagi gidroponika usuli ilmiy-tadqiqot ishlarida kо‘proq
qо‘llaniladi.
О‘simliklar yetishtiriladigan baklarning chuqurligi 20-25 sm, eni esa
yetishtiriladigan о‘simlikka bog‘liq ravishda 5-10 dan 100 sm gacha bо‘lishi lozim.
О‘simliklarni baklarga о‘tqazish uchun yaxshi va zich mahkamlanadigan,
teshikchali qopqoqlar tayyorlanishi lozim. Sabzavotlar yetishtirishda
teshikchalarning diametri 3-4 sm bо‘lib, ularga 5-6 sm uzunlikdagi, nam
tortmaydigan materialdan tayyorlangan (plastmassa yoki asfalt loki bilan
bо‘yalgan metall), uchida 4-5 mm chiqig‘i bо‘lgan silindrlar о‘rnatiladi. Bu
silindrlar orqali oziq aralashmalarga о‘simliklar tushiriladi va paxta bilan
mahkamlanadi. О‘simlimklar о‘zlarini tutib olgandan keyin paxtalar olib
tashlanadi va tortilgan kanop iplarga bog‘lab qо‘yiladi. Eritmalardagi tuzlarning
konsentratsiyasi 50% dan pasayib ketmasligi uchun oziq aralashmalar vaqti-vaqti
bilan qisman, yoki tо‘laligicha almashtiriladi.
40
