Page 374 - Innovatsion iqtisodiyot

INNOVATSION IQTISODIYOT
Akram XASHIMOV
ning qadr lanmasligi bilan bog‘liq hisoblanadi va mazkur holat o‘ylab
ko‘rish uchun arzirli katta muammo hisoblanadi. Maxsus adabiyotlarda
murakkab vaziyatlar da iqtidorli xodimlarni maqsadli yo‘naltirish va
ularni samarali boshqarish borasida ko‘plab taklif va tavsiyalar berilgan.
Kompaniyalarda hamma jarayon va yumushlarni iqtidorli xodimlar

zimmasiga yuklab qo‘yish, kelgusida kompaniya uchun salbiy holatlarni
keltirib chiqarishi tabiiydir. O‘ziga xos “yulduzlik” kasaliga chalingan
xodimlar istiqbolda kompaniya ishining oldinga siljishiga to‘sqinlik
qiladi. Shu sababli ham, kompaniyalarda “ustoz-shogird” tizimini yo‘l-
ga qo‘yish, xodimlar ni doimiy o‘qitish va malakasini oshirib borish
kom paniya muvaffaqiyatini belgilab beruv chi muhim omillardan biri
sanaladi.
Investorning jamoani baholash xususiyatlarini tushunib etganligi
innovatsion loyiha jamoasini shakllantirishning muhim jihati

hisoblanadi. Ushbu holatni yaxshi tushunib olish uchun biznes-
rejalashtirish bo‘yicha ilmiy adabiyotlar va biznes-reja tuzish bo‘yicha
amaliy qo‘llanmalarga murojaat qilish tavsiya etiladi.
Innovatsion biznesni rivojlantirish borasida inson omili bilan
bog‘liq bo‘lgan bir qator xavf-xatarlar mavjud bo‘lib, mazkur
xavf-xatarlar darajasini pasaytirishning iqtisodiy vositalari va
qonunchilikda ko‘zda tutilgan tartib-qoidalari mavjuddir. Shuni

alohida taʼkidlashimiz lozimki, barcha muammoli vaziyatlardan
qutulib chiqib ketishga imkon beruvchi “baxt darmondorisi” amalda
mavjud emas. Murakkab vaziyatlarda qay yo‘sinda ish ko‘rish, bu
albatta innovatsion jamoa yetakchisiga ko‘p jihatdan bog‘liqdir.
Shu tariqa, mazkur bo‘limda jamoani shakllantirish, jamoa aʼzola-
rini saralab olish, ularni rivojlantirish va motivatsiya qilish masalalari
qarab chiqildi va quyidagi xulosalarga kelindi:
Motivatsiya – bu o‘zini va boshqalarni shaxsiy va tashkilot maq-
sadlariga erishishga undash jarayonidir. Motivatsiyalash muassasadagi

xodimlarni ehtiyoj va maqsadlarini qondirilishiga bog‘liq bo‘ladi.
Motivatsiyalash xodimning o‘z ishi natijasidan manfaatdorligiga va
ish joyida shaxsiy ehtiyojlarini qondirishiga bog‘liq bo‘ladi. Jamoa ni
shakllantirish va uni rivojlantirishda jamoaning maqsadi bilan xodim

373