Page 375 - Innovatsion iqtisodiyot

INNOVATSION IQTISODIYOT
Akram XASHIMOV
maqsadlarining bog‘liqligi taʼminlanishi lozim. Motivatsiya lashtirish
jarayoni orqali insonlarning barcha ehtiyojlari – ijtimoiy, ruhiy, gi-
giyenik, fiziologik, sotsial va boshqalar qondiriladi. Natijada xodimlar,
ishchilarning o‘z ishiga bo‘lgan masʼuliyati, qiziqishi ortadi. Ularda
o‘z ish joyiga nisbatan vujudga kelgan muhabbat bevosita jamoaning

samaradorligini va ish natijaviyligini oshiradi.

9.5. Tarixiy yondashuv nuqtai nazaridan
jamoani o‘rganish
Bir qator mamlakatlar uchun jamoalar o‘zining zamonaviy talqi-
nida yetarlicha chuqur tarixiy va madaniy ildizlarga ega ekanligi
bilan ajralib turadi. Mamlakatimizda qadimdan mavjud bo‘lgan
hunarmandlar guzari va mahallalarini jamoaning ilk ko‘rinishi
sifatida baholashimiz mumkin.

Ishchilar jamoasi nazariyasi va amaliyotining shakllanishiga bir
qator olimlar o‘tgan asrning 80-yillarida vujudga kelgan zamonaviy
yapon menejmenti katta turtki bergan deb hisoblaydilar. Zamonaviy
yapon menejmentining tarixiy ildizlari Edo davriga (1603 –
1867-yillar) borib taqaladi. Masalan taxminan 1700-yillarda Mitsui
oilasining tijorat tashkilotlaridan birida boshqaruvning yuqori
bo‘g‘inida ommaviy qaror qabul qilish organi mavjud bo‘lib, u har oyda

ikki marotaba yig‘ilib turgan. Menejment nazariyasi va amaliyotida
to‘plangan boy tajriba, ishchi jamoalar nazariyasi doirasida ularning
integratsiyasi bugungi kunda menejment nazariyasi va amaliyotida
shakllangan yangi yo‘nalish – inson resurslariga investitsiyalar
to‘g‘risida fikr yuritish imkonini beradi. Zero, bugungi kunda taraqqiy
topgan davlatlar tajribasi shuni ko‘rsatmoqdaki, inson va insoniy
resurslar milliy boylikni yaratuvchi asosiy kuch hisoblanadi.

Mavzu bo‘yicha qisqacha xulosalar

Personalni boshqarish sohasida turli-tuman texnologiyalar
mavjud bo‘lib, ular orasida keyingi paytlarda jamoani shakllantirish
texnologiyasi tobora mashhur bo‘lib bormoqda. Ushbu texnologiyadan
foydalanish jamoani shakllantirishga yordam beradi, uning davomida

374