Page 69 - Innovatsion iqtisodiyot

INNOVATSION IQTISODIYOT
Akram XASHIMOV
8. Yangilikning moliyaviy jihatdan taʼminlanganligi. Innovat-
sion faoliyat tashkilotning moliyaviy imkoniyatlariga mos bo‘lishi
hamda (muvaffaqiyatli yakunlanishi va bozorni tahlil qilish, yangi
mahsulotlarni bozorga olib kirishga tayyorgarlik ko‘rish uchun) har
bir bosqichda moddiy resurslar bilan taʼminlangan bo‘lishi lozim.

9. Ijtimoiy naflilik. Yangilik uni ishlab chiqarish bilan shug‘ulla-
nayotgan muayyan tuzilmagagina emas, balki butun bir jamiyatga
naf keltirishi, yaʼni ijtimoiy-axloqiy marketing tamoyillariga asosla-
nishi lozim.
10. Iqtisodiy-geografik tamoyil. Unga ko‘ra yangilik kiritish nati-
jasi va jarayonning o‘zi ham amalga oshirilishi jihatidan iqtisodiy
taraqqiyotning muayyan darajasiga hamda geografik, tabiiy-iqlim
sharoitlariga mos bo‘lishi lozim.
11. Fundamental fanni qo‘llab-quvvatlash tamoyili. Amaliy fan

o‘zini o‘zi moliyalashtirish imkoniyatiga ega bo‘lgani holda, funda-
mental fanda bunday imkoniyat mavjud emas.Zero fundamental fan
ilmiy-texnik taraqqiyot uchun asos bo‘lib xizmat qiladi. Davlat or-
ganlari va innovatsion faoliyat bilan shug‘ullanayotgan tadbirkorlik
tuzilmalarining vazifasi ushbu faoliyatning moddiy asosiy bo‘lgan
fundamental fanni qo‘llab-quvvatlashdan iborat.
12. Innovatsion faoliyatning himoyalanganligi. Bu tamoyil in-

novatsion faoliyat sohasida ishlayotgan tashkilotlarning mualliflik
huquqlari va manfaatlarini himoyalash uchun qonunlar va bosh-
qa normativ-huquqiy hujjatlarning qabul qilinishi va amal qilishini
bildiradi.
13. Teskari aloqani yo‘lga qo‘yish tamoyili. Yangilik kiritish ja-
rayoni bozorda yangi mahsulotning paydo bo‘lishi bilan yakunlana-
di. Bu holat hayotiylik siklining muayyan bosqichida keyingi yangi
mahsulot (g‘oya) yaratish ehtiyojini keltirib chiqarishi va bu jarayon
uchun moliyaviy imkoniyat berishi kerak.

14. Kadrlar bo‘yicha muvofiqlik (kadrlarning muvofiqligi).
Yangilik kiritish jarayonini muvaffaqiyatli amalga oshirish uchun
tashkilot yangilik yarata oladigan va buni istaydigan kadrlarga ega
bo‘lishi kerak.

68