Page 17 - Теория кавитации

Джеймс Максвелл, Никола Тесла сынды ғұламалардың адам тіршілігін танығысыз
өзгертулеріне, нұрландыруларына ғылыми-техникалық негіз болды.
Осынау біз әңгіме арқауы етіп отырған электрон мен кавитионның
“туыстасуы” әлі де беймәлім болып отырған құпиялардың ашылуына бастаса-игі.
Сонымен де, бұл айтқандарымыз «кавитион» ұғымының қозғалыс тудырғыш
статусын айғақтайтынына дәлел. Дегенмен де, электронның еркіндікке босап
шығуы үшін немесе бір энергетикалық шұңқырдан екіншісіне секіріп кетуі үшін
бір “түрткі” болар оқиға – әсер керек екенін де білеміз. Яғни, мардымсыз ядролық
күшті (МЯК) өңгеріп, ядролық синтез ұйымдастыру қажет, ал ол үшін белгілі бір
энергия көзін іске қосып, қолдағы химиялық элементке әлдік әсер ету керек.
Қазіргі динамомашина мен электр генераторларында электр өткізгіш сым раманы
ротор түрінде орамдап-орамдап магниттік өріс ортасында айналдыру арқылы
бұған қол жеткізіледі. Сол мезетте сым бойындағы атомдардан электрондар босап
шығып, сол сымның бет жағымен ерсілі-қарсылы зымырап кавитациялық электр
қозғауыш күшін (ЭҚК) туғызатын еркін күйдегі электрондардың кавитациялық
тербелістегі ағынына айналады. Осы ағынның кез-келген тұсынан өткізгіш
материалды қосу арқылы электр энергиясын қотарып алуға әбден болады, бұл
әрекетті электрлік тоқ алу (ЭТА) дейді.
Осы жерде айта кетуге тиіспіз: егер электрон босап шықпай, бір
энергетикалық шұңқырдан екіншісіне секіріп кетсе, ЭҚК пайда болмайды, тек бұл
жағдайда локалды кавитациялық жарылыстан жарық кванты және соның дыбыс
фоны пайда болып, ХЭ бір изотоптық күйден екінші күйге көше қалады. Бұл өзі
миниатюрлі найзағай жарқылы десек, шындықтан ауытқығанымыз емес.
Жарық, жарық – дейміз-ау! Осы құбылыстың түп-тамырының табиғатын
зерттеуде, яки фотон табиғатын түсінуде де “ақтаңдақтар” жетіп артылады.
Тіптен, бұл тұрғыдан фотон табиғаты электрон табиғатымен астарлас, біртектес

демей-ақ қояйық, бірақ ұқсас деп толық сеніммен айта аламыз. Ал жарық
туындатуға келгенде, электрон әр кванттық уақыт бірлігінде орын алатын микро-
жарылысында ЭҚК туындатқанындай, фотон өз микро-жарылысында жарық шақ-
шағын (порциясын) туындатады. Сөйтіп, фотон да өзіндік сәйкес ci1 типтегі
кавитионмен “туыстасады”. Демек, осылайша фотон қозғалыс туындататын ЭБ
айналып шыға келеді. Мінеки, толассыз қайталанатын осы микро-қозғалыстар
Жарық Дүние (ЖД) деген феноменді – әсіре құбылыстық ғажайыпты бар етеді.

1.2.2 Жылу энергетикасы практикасынан бастау алған бұл үрдіс

Кіріспе. Біздер жылытудың “әбден тозығы жеткен” ықылым заманнан
бастау алатын, бүгінге дейінгі қолданылып жүрген «Экстенсивті жылыту жүйесін
– ЭЖЖ» алмастыруға лайық жаңғырмалы «Интенсивті жылыту жүйесімен –
ИЖЖ» айналысып келе жатқанымызға 15 жылдай болды. Осы уақыт аралығында
ИЖЖ қағидалық негізі болып табылатын көпіршік-ату (кавитация) құбылысын
жан-жақты һәм егжей-тегжейлі зерттеп, талай сырларына қанық болдық. Оның
16