Page 136 - Getroud met 'n Leuen

NabasDiep VERLIEF OP 'n LEUEN

Ons ‘doen’ is om doelgerig en daadwerklik ons tong in toom te hou, om ons eiewaan te verruil
vir nederigheid, ons selfsug te ruil vir liefde vir ander, ons gedagtes en handelinge deurentyd
te toets aan die Bybel, ons hele doen en late voltyds aan die Here te wy sonder om gedurig
na aardse goedkeuring te soek, ons lewens om die Here te weef en nie te doen wat ons dink
ander sal beïndruk nie, of erger nog wat ons dink ander van ons verwag nie.

Ons het almal ’n verwysingsraamwerk. Die verwysingsraamwerk het ‘n ankerpunt, en of ons
dit doelbewus gebou het of nie, die ankerpunt is die punt waardeur ons die lewe meet en
beoordeel. Dit bepaal ons morele beginsels, die grense tussen reg en verkeerd. Vir party
wapper dit tussen gister en vandag se modes, vir ander is dit so vas soos ‘n rots. Vir ‘n kind
van die Here is dit so getoets en waar soos die Bybel. Die Bybel is nie net enige Beginpunt nie,
dit is die finale gesag wanneer dit kom by geloof en beginsels. Die Bybel is die geïnspireerde
Woord van God - Waarheid met ‘n hoofletter W. Die Begin en die Einde en alles tussen in.

Die uitdaging is dat ons lewe in ‘n kultuur waar toegee verhewe is bo die waarheid, maar dit
is nie wat God van sy kinders verwag nie. Dit word vandag verkeerd geag om te sê iets is
verkeerd. Ons wil sekerlik meer onthou word vir dit waarvoor ons staan as wat ons onthou
wil word vir dit waarteen ons is. Maar om te dink almal is reg en niemand is verkeerd nie is so
eenvoudig as om voor te gee dat almal wen en niemand verloor nie. As die waarheid geoffer
word op die altaar van toegee, dan mag dit dalk lyk of almal wen maar in werklikheid verloor
almal. God roep ons tot ‘n hoër standaard as om voltyds toe te gee, dit is om voltyds 'n leuen
te leef. Dit word die waarheid genoem en dit word altyd aan genade gekoppel. God is
waarheid.

Genade beteken “ek is lief vir jou ongeag wat”

Waarheid beteken “ek sal eerlik met jou wees ongeag wat”

Meeste van ons hou van boeke, maar daar is een boek wat in ‘n klas van sy eie val, die Bybel.
Ten minste twee dinge maak die Bybel uniek. Eerstens is die Bybel “lewend en aktief “. Ons
lees nie net die Bybel nie; die Bybel lees ons. Die Heilige Gees wat die antieke skrywers
geïnspireer het soos hulle skryf, is dieselfde Gees wat vandag se mense inspireer wat dit lees.
Die Heilige Gees is aan beide kante van hierdie grootse Werk, die skryf kant en die lees kant.
Dit is dieselfde Gees wat vandag nog dieselfde wysheid uitasem wat ons elke keer inasem as
ons die Woord lees, of as ons die Bybel lees dan asem ons in wat die Heilige Gees uitgeasem
het duisende jare gelede. Ons hoor die gefluister van God in asemteue.

Tweedens, ons kom nooit tot die bodem van die Bybel nie. Elke Bybelse woord het tientalle
gesigte en honderdduisende betekenisse. Met ander woorde, dit is kaleidoskopies. Maak nie
saak hoeveel keer ons die Bybel lees nie, dit word nooit oud nie omdat die Bybel tydloos en
huidig of ‘nou’ is. Die Bybel was geskryf deur meer as veertig skrywers oor ‘n tydperk van
vyftien eeue in drie tale en oor drie kontinente. Die skrywers het gestrek van boere en
vissermanne tot konings, profete en gevangenes. Dit dek elke denkbare onderwerp onder die
son: die reg, die wetenskap, die geskiedenis, taal en poësie, profesie, kosmologie en teologie.
En ten spyte daarvan dat dit duisende onderwerpe aanraak, weerspreek die Bybel homself
nooit. Inteendeel, die Bybel lees soos een boek van begin tot einde. En dit is omdat daar slegs
een skrywer was, die Heilige Gees. Ons neem die Bybel as van self sprekend, maar ons moet

* Verwys asseblief na die Verkorte Woordelys agter. 136