Page 140 - Getroud met 'n Leuen

NabasDiep VERLIEF OP 'n LEUEN

Dit is baie moeiliker om die stem van God te hoor as om maar net die Bybel te lees. Dit vat
meditasie, gebed en die bepeinsing van die Woord. En dit is gewoonlik wanneer ons
doelbewus stadiger beweeg omdat ons deegliker op ons bybellees pad gaan dat die Heilige
Gees ons hernu. “Christenskap is nie regtig getoets en te lig bevind nie”, sê G. K Chesterson
maar “ware Christenskap is te moeilik bevind en daarom laat vaar”. Jy kan al die dinge doen
soos mediteer, bid, verteer Maar as jy dit nie doen en leef nie, is dit alles verniet. Jy moet dit
LEEF.

Wat sal gebeur as ons die hele Bybel leef en nooit ongehoorsaam aan die Woord is nie? Wel
die Here se koninkryk sal kom en Sy wil sal geskied. Dit is wat gebeur as hoorders van sy
Woord, doeners van sy Woord word!!

Wat is die sin om te probeer wees wie jy nie is nie? As jy daarin slaag, dan is jy wie jy nie is nie
EN jy is nie wie jy werklik is. Jy is dan nie die mens wie God geskep het nie en ook nie die mens
wat hy bestem het nie. Dit is nie ‘sukses behaal’ nie, dis om te faal. En dit is beter om te faal
met iets waarvoor jy lief is as om sukses te behaal met iets wat jy haat. En dit begin met die
verstaan van ons geestelike begeertes – “Vind vreugde in die Here en Hy sal jou gee wat jy
begeer”. Begeertes het meesal ‘n negatiewe konnotasie, C. S Lewis het geskryf: “Ons is
halfhartige wesens, mors rond met drank, seks, ambisie, aardse plesier terwyl daar eindelose
Plesier aan ons ge-offer word deur God: Volgens hom vind die Here nie ons begeertes te sterk
nie, maar te swak! Party begeertes is sonde, en diesulkes moet afgesweer word, maar die
goeie begeertes wil God seën, hy wil hulle laat herleef, meer maak en tot Sy eer gebruik.

Ses keer in Genesis staan die Here terug van Sy skeppinge af en bewonder dit en sien dat dit
goed is. Dit is God se eerste reaksie op sy skepping. Dit is die eerste aangetekende emosie
wat deur God uitgedruk is. Die woord goed in Hebreeus is tob. Dit is vreugde ongekend!
Suiwer plesier! God geniet wat hy doen, en hy wil niks minder vir ons hê nie. Hy wil hê dat ons
ook vreugde in sy skepping sal vind. Hy wil hê dat ons vreugde in mekaar sal vind. Bo als, wil
Hy hê dat ons vreugde in hom sal vind. Die Westminster Kategismus se eerste reël sê: “Die
mens se belangrikste doel is om God te dien en prys, en om vreugde in Hom te vind” Dit is
maklik om die eerste gedeelte te onderskryf, maar vir die tweede helfte begryp ons nie
naastenby die grootsheid daarvan nie. Hoeveel geniet jy God? Geniet jy Sy Woord? Geniet jy
Sy teenwoordigheid? Geestelike dissipline begin by dissipline, maar een of ander tyd moet dit
verander in begeertes as jy jouself in die Here wil verheug.
Batterson sê as jy weet hoeveel vreugde jy in God vind, weet jy ook hoe geestelik volwasse jy
is. Die laaste ding wat God wil hê is vir Sy Woord om soos werk te voel en om waardeloos te
wees. Lees jy dit vir genot? As jy geen plesier in die Woord kry nie, dan lees jy dit verkeerd.
Partykeer spreek sy Woord ons aan oor sonde wat ons moet bely, wat God dan vergeef in sy
Groot Genade. Dit ly altyd tot groter vreugde. Om God te gehoorsaam IS ons grootste
vreugde, ons hoogste voorreg. Om God lief te hê met al ons krag vereis werk, maar dit behoort
‘n werk van liefde te wees. Die impak en die verwagting deur God van die opdrag van God om
hom lief te hê met ons hele hart en verstand en met al ons krag word deur min mense werklik
begryp.

* Verwys asseblief na die Verkorte Woordelys agter. 140