Page 146 - Getroud met 'n Leuen

NabasDiep VERLIEF OP 'n LEUEN

eintlik baie maklik, word nie vervolg nie en daar is geen beperking op kerk toe gaan nie
behalwe miskien vir Covid wat die getalle beperk. Deur Christus het ook ons deel geword van
die volk van God toe ons die waarheid gehoor het en tot bekering gekom het. Bekering is die
voorloper van wedergeboorte. Baie keer hoor ons in die Bybel dat ons iets moet doen, die
doen is die opdrag: “bekeer julle.” Ja, draai weg van die sonde, sweer dit af en begin 'n nuwe
lewe, die oue kan net nie meer bestaan nie. Jesus se: “As julle julle tog net wil bekeer..”

Efesiërs gaan voort deur te sê dat ons dood was as gevolg van ons oortredings en sondes.
Hoofsaaklik is ons oortredings geskoei op die verbuiging van die tien gebooie. Ons het gelewe
soos hierdie sondige wêreld, deur ons sondige begeertes oorheers en gedoen net waartoe
ons luste ons gedryf het, of wat ook al in ons gedagtes opgekom het. Onomwonde sê Paulus
dat by gelowiges is daar nie sprake van ontug nie, onsedelikheid in enige vorm, of gierigheid
in al sy vorme nie; gierigheid is afgodery. Growwe, ligsinnige of vuil praatjies pas nie by kinders
van die Here nie. Almal wat deel het aan sulke goed, het nie deel en kan nie deel hê aan die
koninkryk van God nie. Dank aan God pas by kinders van die Here. As julle kwaad word,
moenie sondig nie en moet 'n dag nie kwaad afsluit nie. Moenie julle laat lei deur die vors van
die onsigbare magte nie, die gees wat daar nou aan die werk is in die mense wat aan God
ongehoorsaam is.

Verder sê Paulus julle is nou een met Christus, julle wat vroeër ver van God gelewe het, het
nou naby gekom deur Jesus se bloed. Iemand het geskryf dat die kind van die Here se lewe so
eenvoudig moet wees dat dit nie net altyd moontlik moet wees om Jesus saam met jou te
neem nie, dit moet onmoontlik wees om Jesus nie elke oomblik van jou lewe met jou saam te
neem nie. Die vraag is of dit moontlik is om naby aan Christus te kom as pornografie, vuil
grappe, 'n gefuif, geskinder, selfsug, eiebelang, dominansie, verslawing aan jou werk of roem
of eer of geld alles deel van jou dag is nie. Meeste van ons, behalwe hulle wat persoonlikheids
versteurings het, weet immers wat ons swakhede is en moet dit by die kruis neerlê. Die lewe
het sy kinkels, en genade en geloof is wat jou deur hierdie duister dinge sleep as jou kragte
nie meer daar is nie. Wat weerhou jou daarvan om in al hierdie versoekings te verval omdat
die lewe jou hard geslaan het, of dalk moed opgee en die Here blameer? 'n Kind van die Here
klou aan sy verhouding met Hom al storm die water oor sy kop, want die Here bepaal sy pad
en die Here is ryk aan genade en Hy is ons vrede.

Efesiërs sê dat toe Hy gekom het, het Hy die goeie boodskap van vrede gebring:
vredesboodskap vir ons wat ver van God is en vrede vir ons wat naby aan God is. Paulus doen
twee gebede in Efesiërs. Die eerste gebed dank hy God vir die gelowiges en bid hy dat God,
die Vader aan wie die heerlikheid behoort, deur sy Gees aan ons wysheid gee en dat Hom so
sal openbaar dat ons Hom werklik sal ken. Dit is werklik 'n diep geestelike gebed en een
waaraan ons gerus baie aandag moet gee. Hy bid verder dat ons geestes oë so sal verhelder
dat ons kan weet watter hoop sy genade inhou, en watter rykdom daar is vir gelowiges in Sy
heerlike erfenis, sy ewige erfenis. Dink aan hoe geweldig groot sy krag is wat Hy uitoefen in
ons wat glo. Hierdie krag wat Hy uitoefen in ons lewe, is dieselfde krag wat Hy uitgeoefen het
toe Hy Jesus uit die dood opgewek het. Jesus het na Sy opstanding al die mag van sy Vader
verkry om te heers oor hierdie aarde en alles buite hierdie aarde tot in lengte van dae. God
het alles aan Hom onderwerp, Hom bo alles verhef en Hom aangestel as hoof van die kerk.

* Verwys asseblief na die Verkorte Woordelys agter. 146